ورلڈ کپ میں منتخب ہونے والے قومی کرکٹر شان مسعود کا کہنا ہے کہ سابق کوچ مکی آرتھر نے کاؤنٹی کرکٹ میں کافی سپورٹ کیا۔
قومی کرکٹر شان مسعود نے میڈیا سے گفتگو کرتے ہوئے کہا کہ کاؤنٹی کرکٹ کھیلنے سے کافی فائدہ ہوا ہے پی ایس ایل بھی کھلاڑیوں کی کارکردگی دکھانے کا بہترین موقع ہے۔
انہوں نے کہا کہ انگلینڈ کرکٹ ٹیم میں بہترین کھلاڑی شامل ہیں سیریز کے میچز دلچسپ ہوں گے اور سیریز مداحوں کے لیے یادگار ہوگی۔
شان مسعود نے کہا کہ کرکٹر کی خواہش ہوتی ہے کہ ملک کے لیے تینوں فارمیٹس کھیلے میں نیشنل ٹی 20 کپ میں نمبر چار میں کھیلا ہوں کرکٹر کو اپنے نمبرز میں ایڈجسٹ کرنا ہوتا ہے جس نمبر پر بھی کھلایا گیا اچھی کارکردگی دکھانے کی کوشش کروں گا۔
ان کا کہنا تھا کہ بابر اعظم بطور کپتان بہترین انداز میں قومی ٹیم کو لیڈ کررہے ہیں میری دلچسپی صرف بطورکھلاڑی ٹیم میں شمولیت پر فوکس ہے۔
