لندن: سابق کپتان شان مسعود کی پریکٹس میچ میں شرکت مشکوک ہو گئی۔ شان مسعود نے پہلےدن ٹریننگ سیشن میں حصہ نہیں لیا۔
ذرائع کے مطابق شان مسعود انگلی میں فریکچر کے باعث معائنے کے لیے ٹریننگ سے باہر رہے ان کی انگلی کی انجری کا دوبارہ معائنہ کل کیا جائےگا۔
معائنے کی رپورٹ کی روشنی میں آئندہ کا فیصلہ کیا جائے گا اور ٹیم مینجمنٹ اور میڈیکل پینل کل صورتحال کا جائزہ لیں گے۔
طبی معائنے کے بعد شان مسعود کی پریکٹس میچ میں شرکت سے متعلق حتمی فیصلہ متوقع ہے۔
پاکستان اور انگلینڈ کے درمیان پہلا ٹیسٹ 19 اگست سے لیڈز میں شیڈول ہے۔
واضح رہے کہ گزشتہ دنوں انگلینڈ نے پاکستان کے خلاف تین میچوں کی ہوم سیریز کے ابتدائی دو ٹیسٹ میچوں کے لیے 16 رکنی اسکواڈ کا اعلان کیا جس میں جارڈن کاکس دائیں گھٹنے کی انجری کے باعث جیکب بیتھل کے باہر ہونے پر نمبر 3 پر بیٹنگ کریں گے۔
