ایشیا کپ میں سری لنکا اور بھارت کا میچ برابر ہوا جس کا فیصلہ سپر اوور میں کیا گیا۔
دبئی میں کھیلے گئے میچ میں بھارت نے سری لنکا کو سپر اوور میں شکست دی، سری لنکا نے سپر اوور میں 2 رنز بنائے، بھارت نے 3 رنز کا ہدف پہلی گیند پر حاصل کرلیا۔
اس سے قبل بھارت نے مقررہ اوور میں 5 وکٹوں پر 202 رنز بنائے تھے سری لنکا نے بھی 5 وکٹوں کے نقصان پر 202 رنز بنا کر میچ برابر کردیا۔
یہ پڑھیں: ایشیا کپ سپر فور: بھارت نے سری لنکا کو سپر اوور میں شکست دے دی
سپر اوور میں سری لنکا نے پہلے بیٹنگ کی اور کوشل پریرا صفر پر آؤٹ ہوگئے اس کے بعد دسن شناکا کو امپائر نے کیچ آؤٹ قرار دیا اور سنجو سیمسن نے رن آؤٹ بھی کردیا۔
لیکن امپائر انہیں پہلے کیچ آؤٹ قرار دے چکے تھے لہٰذا جب شناکا نے ریویو لیا تو وہ ناٹ آؤٹ قرار پائے۔
اس طرح سری لنکن بیٹر رن آؤٹ سے بچ گئے کیونکہ آن فیلڈ امپائر نے پہلے فیصلے میں کیچ کی اپیل پر ہی آؤٹ دیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں