The news is by your side.

Advertisement

کیا رواں سال شندور پولو فیسٹیول کا انعقاد ہوگا؟

اسلام آباد: دنیا کے بلند ترین پولو گراؤنڈ میں مقبول شندور فیسٹیول بھی کرونا وائرس کی نظر ہوگیا ہے۔

تفصیلات کے مطابق کلچراینڈ ٹورزام ڈیپارٹمنٹ کے پی نے شندورفیسٹیول دو ہزار اکیس کو منسوخ کردیا ہے، شندورپولو فیسٹیول کی منسوخی کا نوٹیفکیشن جاری کردیا گیا ہے۔

جاری نوٹیفکیشن میں این سی او سی کا حوالہ دیتے ہوئے کہا گیا کہ فیسٹیول کے آغاز پ پنڈال میں سماجی فاصلہ اور سیاحت کے لئے جاری ایس او پیز پر عمل نہ کیا جانے کا خدشہ ہے جو کہ کرونا کو مزید پھیلانے کا سبب بن سکتا ہے، این سی او سی کی پالیسی کی وجہ سے شندورپولو فیسٹیول ناممکن ہے۔

یہاں یہ امر قابل ذکر ہے کہ ہیڈکوارٹر فرنٹیئر کور (شمالی) نے بھی ایک خط کے ذریعے اسی طرح کے خدشات کا اظہار کیا ہے اور مشورہ دیا ہے کہ اس سال اس تقریب کا انعقاد نہیں کیا جانا چاہئے۔

جس کے بعد سیکرٹری سیاحت محکمہ خیبر پختونخوا نے تمام اسٹیک ہولڈرز سے مشاورت اور مجاز اتھارٹی کی رضامندی سے عوامی مفاد میں شندور پولو فیسٹیول -2021 منسوخ کرنے کا فیصلہ کیا ہے۔

 

Comments

یہ بھی پڑھیں