فخر زمان کے لیگ سائیڈ پر مارے گئے 99 میٹر کے چھکے نے آسٹریلیا کے سابق کرکٹر شین واٹسن کو بھی حیران کردیا۔
آئی سی سی کرکٹ ورلڈکپ میں پاکستان اور بنگلہ دیش کے درمیان ہونے والے مقابلے میں تسکین احمد کی سیدھی لائن پر پڑنے والی گیند کو فخر زمان نے باؤنڈری کا راستہ دکھایا۔
فخر کی اس زور دار ہٹ کی شین واٹسن بھی تعریف کیے بنا نہ رہے سکے کمینٹری کرتے ہوئے ان کا کہنا تھا کہ ’اس وقت دنیا میں چند ہی ایسے بلے باز ہیں جو اس طرح کی سیدھی لائن و لینتھ کی گیند کے ساتھ ایسا سلوک کرسکتے ہیں۔
Shane Watson on the 99m six by Fakhar Zaman "there's not too many batters in the world who can do this to that ball. That's why you've got to keep the faith with someone like this guy. That's the stuff he can do & that's what makes people turn the tv on to watch" #CWC23 #PAKvsBAN pic.twitter.com/MPbKMiCWeh
— Saj Sadiq (@SajSadiqCricket) October 31, 2023
شین واٹسن نے کہا کہ اس لیے آپ کو اس طرح کے پلیئرز پر اپنا اعتماد برقرار رکھنا چاہیے۔ فخر زمان اس طرح کی کارکردگی دکھانے کی مکمل اہلیت رکھتے ہیں۔
انھوں نے کہا کہ اس طرح کے شاٹس دیکھ کر شائقین اپنا ٹی وی آن رکھتے ہیں اور میچز کو دلچسپی سے دیکھتے ہیں۔
