The news is by your side.

Advertisement

شنگھائی الیکٹرک نے کے الیکٹرک کی خریداری کے لیے درخواست جمع کرادی

کراچی: شنگھائی الیکٹرک کمپنی نے کے الیکٹرک کی خریداری کے لیے دوبارہ درخواست جمع کرادی‘ سودا پہلے سے کیے گئے وعدے کے مطابق ہوگا۔

تفصیلات کے مطابق شنگھائی الیکٹر نے حکومت کی جانب سے دی گئی معیاد ختم ہونے سے قبل ہی اظہارِ دلچسپی کی درخواست جمع کرادی‘ شنگھائی الیکٹرک کراچی کی تقسیم کار کمپنی کے 66 فیصد شیئرز خریدے گا۔

یاد رہے کہ شنگھائی الیکٹرک کو کراچی میں بجلی سپلائی کرنے والے کمپنی کے الیکٹرک خریدنے کے لیے دی گئی قانونی مدت ختم ہونے والی ہے۔

اس حوالے سے پاکستان اسٹاک ایکسچینج کو نوٹس کا اجرا کرکے شیئرزہولڈرز کو مطلع کردیا گیا ہے، قانون کے مطابق اظہار دلچسپی کے بعد 90 دن کی قانونی مدت میں ڈیل طے کرنا ہوتی ہے۔

قبل ازیں شنگھائی الیکٹرک کو اظہار دلچسپی کی میعاد ختم ہونے پر 2 مرتبہ توسیع دی گئی اور اب یہ مدت 30 جون کو ختم ہورہی ہے۔

شنگھائی الیکٹرک سودے پر قائم ہے، میعاد میں توسیع کی درخواست دے گی، عارف حبیب

خیال رہے کہ کے الیکٹرک اورشنگھائی الیکٹرک کے سودے میں شامل آفر منیجرعارف حبیب نے کہا ہے کہ شنگھائی الیکٹرک، کے الیکٹرک کو خریدنے کے سودے پر اب بھی قائم ہے، شنگھائی الیکٹرک میعاد ختم ہونے پر تیسری بار توسیع کی درخواست دے گی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں