The news is by your side.

Advertisement

سڑک کنارے کنوئیں کے دہانے میں گھوڑا پھنس گیا

شانگلہ: خیبر پختون خوا کے مالاکنڈ ڈویژن میں ضلع شانگلہ کے ایک علاقے میں سڑک کنارے کنوئیں کے دہانے میں گھوڑا پھنس گیا، جسے بڑی مشکل سے ریسکیو کیا گیا۔

تفصیلات کے مطابق شانگلہ میں ضلعی ہیڈکوارٹر تحصیل الپوری میں موتہ خان کے مقام پر ایک گھوڑا سڑک کنارے چلتے ہوئے کھائی نما کنوئیں کے دہانے میں گر کر پھنس گیا۔

یہ واقعہ گزشتہ روز پیر کو صبح ساڑھے دس بجے پیش آیا، گھوڑا دھنسنے کے بعد لوگ اکھٹے ہو گئے اور انھوں نے گھوڑا نکالنے کی کوشش کی لیکن ناکام رہے۔

بعد ازاں ریسکیو 1122 کو فون کر کے طلب کیا گیا، ریسکیو 1122 شانگلہ کنٹرول روم کو اطلاع ملتے ہی ڈیزاسٹر ٹیم بمع وہیکل جائے وقوعہ پر پہنچ گئی۔

ریسکیو 1122 شانگلہ کے جوانوں نے گھوڑے کو پیشہ ورانہ طریقے سے بہ حفاظت نکال لیا، انسانی ہمدردی کے اس جذبے کو وہاں پر موجود لوگوں نے خوب سراہا۔

Comments

یہ بھی پڑھیں