کراچی : قومی کرکٹ ٹیم کے سابق کپتان وسیم اکرم کی اہلیہ شنیرا اکرم بچوں کے ساتھ ہونے والی ذیادتی کیخلاف آسٹریلوی مہم پالشڈ مین کے پلیٹ فام سے اپنا کردارادا کررہی ہیں۔
شنیرا اکرم کی اس مہم میں پاکستان کی نامور اسپورٹس اور شوبز شخصیات بھی ان کے شانہ بشانہ ہیں، وسیم اکرم سمیت پاکستان کی دیگر نامور شخصیات، کھلاڑیوں اور فنکاروں نے اپنے ناخن پینٹ کرکے معصوم بچوں سے یکجہتی کا اظہار کیا ہے۔
وسیم اکرم کی اہلیہ شنیرا اکرم نے اپنے سوشل میڈیا اکاؤنٹ کے ذریعے ملک بھر میں مردوں کے نرم تصور کو اجاگر کرنے میں اہم کردار ادا کیا ہے جس کا مقصد بچوں کے ساتھ جنسی زیادتی پر شعور کو فروغ دینا ہے۔
اے آر وائی نیوز کے مارننگ شو باخبر سویرا میں مہمان خصوصی شنیرا اکرم نے کہا کہ آسٹریلیا میں پالشڈ مین نامی تنظیم کی مہم سالہا سال سے چل رہی ہے جبکہ آج کل پاکستان میں بچوں کے ساتھ جنسی زیادتی کے واقعات عروج پر ہیں۔
#PolishedMan campaign has been around for years & now in 2020, due to the highest level of child violence to come out of Pakistan, celebrities & sporting stars join this international campaign to show their support for children suffering in silence from child abuse in Pakistan🇵🇰 pic.twitter.com/bSS7Dlgvuu
— Shaniera Akram (@iamShaniera) October 18, 2020
انہوں نے کہا کہ ہم پاکستان سے تعلق رکھنے والی نامور شخصیات کو عالمی مہم کا حصہ بنا رہے ہیں جو ملک بھر میں بچوں کے ساتھ جنسی زیادتی کے خلاف ہے ہمیں امید ہے کہ یہ مہم کامیابی سے ہمکنار ہوگی۔
