site
stats
اہم ترین

ایم کیو ایم کے سینئر رہنماء شعیب بخاری انتقال کرگئے

کراچی : ایم کیو ایم کے سینئر رہنماء، صوبائی وزیر اور ڈپٹی اپوزیشن لیڈر شعیب بخاری طویل علالت کے بعد انتقال کرگئے۔

تفصیلات کے مطابق شعیب بخاری طویل عرصے  سے علیل اور زیر علاج تھے، مرحوم کی نماز جنازہ کل بروز بدھ بعد نماز ظہر جناح گراؤنڈ عزیز آباد میں ادا کی جائے گی۔

ترجمان ایم کیو ایم کے مطابق مرحوم کا شمار ایم کیو ایم کے بانی رہنماؤں میں ہوتا تھا، اُن کے انتقال سے پیدا ہونے والے خلاء کو کبھی پورا نہیں کیا جاسکتا، ایم کیو ایم ترجمان نے مزید کہا کہ شعیب بخاری ہر مشکل اور کٹھن دور میں بھی ثابت قدم رہے ہیں۔

مرحوم رہنماء نے اپنی پوری زندگی لیاقت آباد میں گزاری ، سوگواران میں بیوی بچے اور 6 بہن بھائی شامل ہیں، شعیب بخاری کی نماز جنازہ کل بروز بدھ بعد نماز ظہر جناح گراؤنڈ عزیز آباد میں ادا کی جائے گی۔ جبکہ اُن کی تدفین یاسین آباد قبرستان میں کی جائے گی۔

واضح رہے شعیب بخاری کی عمر 70 سال سے زائد تھی، وہ 1980 میں ایم کیو ایم سے وابستہ ہوئے اور پارٹی کے مختلف عہدوں پر فائض رہے۔

علاوہ ازیں شعیب بخاری سندھ اسمبلی میں ایم کیو ایم کے ڈپٹی پارلیمانی لیڈر بھی رہے اور صوبائی وزیر ترقی اور لیبر منسٹر کی وزارت پر بھی اپنے فرائض انجام دیے۔

ایڈوکیٹ شعیب بخاری پر سیاسی بنیادوں پر کئی مقدمات قائم کیے گیے جس کے باعث انہیں قید و بند کی صعوبتوں سے گزرنا پڑا، مرحوم ایم کیو ایم کے اہم فیصلوں میں بھی پیش پیش رہتے تھے اور 2008 میں پاکستان کے شمالی علاقہ جات میں آنے والے زلزلے میں خدمت خلق فاونڈیشن کے سربراہ بھی رہے۔

اس موقع پر ایم کیو ایم رابطہ کمیٹی کے رہنماء مصطفیٰ عزیز آبادی نے سماجی رابطے کی ویب سائٹ پر قائدِ ایم کیو ایم کی جانب شعیب بخاری کے انتقال پر افسوس کا اظہار کیا ہے۔

 

شعیب بخاری کے انتقال پر پاک سرزمین پارٹی کے چیئرمین مصطفیٰ کمال اور ایم کیو ایم حقیقی کے سربراہ آفاق احمد نے رنج و غم کا اظہار کرتے ہوئے مرحوم کی مغفرت کے لیے دعا کی ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top