The news is by your side.

Advertisement

‘ شریف خاندان بانی ایم کیو ایم کے جیسا کام کررہا ہے’

کراچی: تحریک انصاف کے رہنماء علی زیدی نے کہا ہے کہ شریف خاندان عدلیہ اور اسٹیبلشمنٹ پر کھلی تنقید کر کے بانی ایم کیو ایم جیسا کام کررہا ہے۔

اے آر وائی نیوز کے پروگرام آف دی ریکارڈ میں گفتگو کرتے ہوئے پی ٹی آئی رہنماء نے کہا کہ شریف خاندان اور بانی ایم کیو ایم کے بیانات میں مماثلث ہے، ایک شخص لندن میں بیٹھ کر سخت زبان استعمال کرتا ہے تو شریف خاندان عدلیہ کے فیصلے پر بولتا ہے کہ ججز کون ہوتے ہیں۔

انہوں نے کہا کہ وکلاء نے عدالت پر حملہ کیا مگر وزیرداخلہ کی جانب سے کوئی ردعمل سامنے نہیں آیا، شریف خاندان کھل کر اسٹیبلشمنٹ اور عدلیہ کے خلاف محاذ آرائی کررہا ہے۔

علی زیدی نے کہا کہ نوازشریف اس وقت بھی لندن کے فلیٹ میں ہی مقیم ہیں، اگر غیر قانونی اثاثہ جات کا کیس جھوٹا ہے تو عدالتوں میں جاکر انہیں جھوٹا ثابت کیا جائے بجائے اس کے کہ عدلیہ پر تنقید کی جائے۔

پی ٹی آئی رہنماء کا کہنا تھا کہ عمران خان کی نااہلی کا کیس دائر کرنے والا شخص حنیف عباسی خود ڈرگ کیس میں پھنسا ہوا ہے، شریف خاندان نے ادارے اپنے تابع کیے ہوئے ہیں کیونکہ این اے 120 کے ضمنی انتخابات میں سرکاری وسائل استعمال ہوئے مگر الیکشن کمیشن خاموش رہا۔

شریف خاندان کوپاکستانی عوام کےشعورپرغلط فہمی نہیں ہونی چاہیے، شازیہ مری

پیپلزپارٹی کی رہنماء شازیہ مری نے کہا کہ ن لیگ اداروں کے خلاف کافی عرصے سے بیان بازی کررہی ہے تاہم شریف فیملی کے بیانات میں واضح تضادات موجود ہیں۔

انہوں نے کہا کہ بے نظیر بھٹو شہید کو غیر حاضری پر سزا سنادی گئی تھی مگر آج صورتحال اس کے برعکس ہے جبکہ نوازشریف نے جی ٹی روڈ پر عوام کو اکسانے کی کوشش بھی کی، مسلم لیگ ن کے کارکنان اگر ماضی دیکھیں تو معلوم ہوگا کہ نوازشریف 10 سال کا معاہدہ کر تے ہی کارکنان کو تنہاہ چھوڑ کر فرار ہوگئے تھے۔

ویڈیو دیکھیں


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں