The news is by your side.

Advertisement

شریف فیملی کا نام ای سی ایل میں ڈالنے کا فیصلہ تین رکنی کمیٹی آج کرے گی

اسلام آباد : قومی احتساب بیورو کی جانب سے شریف خاندان کا نام ای سی ایل میں ڈالے جانے کے حوالے سے دی گئی درخواست پر وزارت داخلہ کی سب کمیٹی کا اجلاس آج ہوگا، مذکورہ نام لسٹ میں ڈالے جانے کا قوی امکان ہے۔

تفصیلات کے مطابق نیب کی جانب سے نگراں وزارت داخلہ کو نواز شریف، مریم نواز اور کیپٹن ریٹائرڈ صفدر کا نام ای سی ایل میں ڈالے جانے کی درخواست کی گئی تھی جس پر غورو خوص کیلئے نگران وزیرداخلہ کی زیرصدارت3رکنی کابینہ سب کمیٹی کااجلاس آج ہوگا۔

مذکورہ کمیٹی شریف فیملی کے افراد کے نام ای سی ایل میں ڈالنے پرسفارشات دے گی، وزارت داخلہ نےنام ای سی ایل میں ڈالنے کیلئے معاملہ کابینہ کمیٹی کو بھجوایا تھا۔

درخواست میں کہا گیا تھا کہ نیب ریفرنسز اختتام کے قریب ہیں اور ملزمان بیرون ملک فرار ہو سکتے ہیں لہٰذا ملزموں کے نام ای سی ایل میں ڈالے جائیں،اس حوالے سے مصدقہ ذرائع کا کہنا ہے کہ نگران حکومت شریف خاندان کے نام ای سی ایل میں ڈالنے کا حکم دے سکتی ہے۔

مزید پڑھیں: نیب نے شریف فیملی کا نام ای سی ایل میں‌ ڈالنے کے لیے وزارت داخلہ کو خط لکھ دیا

یاد رہے کہ گزشتہ ماہ مسلم لیگ ن کی حکومت نے نیب کی اسی درخواست پر عمل در آمد نہیں کیا تھا، اس وقت کی وزارت داخلہ نے چیئرمین نیب کو جوابی خط ارسال کیا جس میں کہا گیا کہ وزارت داخلہ کو بھجوائے گئے شواہد ناکافی ہیں، سابق وزیراعظم کا نام ای اسی ایل میں ڈالنے کی مزید ٹھوس شواہد دیئے جائیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں