لندن : شریف فیملی کے ارکان پر نامعلوم افراد کے حملے کے خطرے کے پیش نظر مقدمہ لندن کے چیرنگ کراس پولیس اسٹیشن میں درج کرادیا گیا۔
تفصیلات کے مطابق لندن میں شریف فیملی کے ارکان پر نامعلوم افراد کے حملے کا خطرہ ہے، فیملی ذرائع نے کہا کہ حملے کے خطرے کا مقدمہ لندن کے چیرنگ کراس پولیس اسٹیشن میں درج کیا گیا۔
ذرائع کا کہنا تھا کہ میٹرو پولیٹن پولیس نے 3 ہفتے قبل شریف فیملی کو خطرے سے آگاہ کیا، شریف خاندان پر حملوں کی بات برمنگھم سے برٹش پاکستانی ٹک ٹاکرزگروپ نے کی۔
ذرائع نے کہا کہ ویسٹ مڈلینڈز پولیس نے ٹک ٹاک پرگفتگو سنی، لندن میٹروپولیٹن پولیس کو آگاہ کیا تھا، ویسٹ مڈلینڈز پولیس کو انٹیلی جنس مانیٹرنگ سسٹم سے حملے کی اطلاع ملی۔
پولیس نے شریف خاندان کے ارکان کو خبردار رہنے کی ہدایت کی تاہم شریف خاندان خبر کی تصدیق کے حوالے سے خاموش ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں