نواز شریف اور مریم نواز سے اڈیالہ جیل میں ملاقات کا دن -
The news is by your side.

Advertisement

نواز شریف اور مریم نواز سے اڈیالہ جیل میں ملاقات کا دن

راولپنڈی: اڈیالہ جیل میں سابق وزیر اعظم نواز شریف اور مریم نواز سے آج اہلِ خانہ کی ملاقات کا دن ہے، لیگی رہنما بھی ملاقات کر سکیں گے۔

تفصیلات کے مطابق آج نواز شریف اور ان کی صاحب زادی مریم نواز سے اڈیالہ جیل میں ملاقات کا وقت دے دیا گیا، اہلِ خانہ کے افراد اور دیگر لیگی رہنما آج ان سے ملاقات کریں گے۔

مسلم لیگ کے رہنما دانیال عزیر اور مرزا جاوید اڈیالہ جیل پہنچ گئے ہیں، ملاقات کے لیے شریف خاندان کے متعدد افراد نے درخواست دی تھی، جیل کے سپرنٹنڈنٹ کو بھی آگاہ کر دیا گیا ہے۔

47 لیگی رہنماؤں کو بھی نواز شریف اور مریم نواز سے ملاقات کی اجازت دے دی گئی ہے، ملاقاتیوں کی فہرست میں عباس شریف فیملی، حارث بٹ اور راحیل منیر کے نام شامل ہیں۔

دیگر ملاقاتیوں میں پرویز رشید، مصدق ملک، ظفرالحق اور مریم اورنگزیب بھی شامل ہیں، خیال رہے کہ اڈیالہ جیل میں جمعرات قیدیوں سے ملاقات کا دن مخصوص ہے اور اسی روز شریف خاندان کے افراد سمیت لیگی رہنما نواز شریف اور مریم نواز سے ملاقات کے لیے آتے ہیں۔


اسے بھی پڑھیں:  کیا نواز شریف واقعی جیل سے بھاگنے کی تیاری کررہے ہیں؟


تاہم عید کی تعطیلات کے باعث شریف خاندان کا کوئی بھی فرد نواز شریف سے ملاقات نہ کرسکا تھا، جس کی وجہ سے شریف خاندان کے افراد کی جانب سے جمعہ کے روز ملاقات کے لیے درخواست دی گئی تھی۔

خیال رہے کہ سابق وزیر اعظم نواز شریف اور ان کی صاحب زادی ایون فیلڈ ریفرنس میں قید کی سزائیں بھگت رہے ہیں، انھیں 13 جولائی کو لندن سے وطن واپسی پر گرفتار کرلیا گیا تھا۔

Comments

comments

یہ بھی پڑھیں