The news is by your side.

Advertisement

نواز شریف اور مریم نواز سے اڈیالہ جیل میں اہل خانہ کی ملاقات

راولپنڈی : شریف خاندان نے اڈیالہ جیل میں مجرم نواز شریف اور مریم نواز سے ملاقات کی ہے، ملاقات کرنے والوں میں ان کی والدہ، چھوٹے بھائی شہباز شریف اور حمزہ شہباز ودیگر شامل تھے، یہ ملاقات جیل سپرنٹنڈنٹ کے کمرے میں ہوئی۔

تفصلات کے مطابق ایون فیلڈ ریفرنس میں سزا یافتہ بڑے مجرمان نواز شریف اور مریم نواز سے شریف خاندان کے افراد نے اڈیالہ جیل میں ملاقات کی، ملاقات کرنیوالوں میں نوازشریف کی والدہ، شہباز شریف، حمزہ شہباز اوردیگر افراد شامل تھے۔

قبل ازیں یہ تمام افراد خصوصی طیارے کے ذریعے اسلام آباد کے نور خان ایئر بیس پہنچے، نواز شریف کے ڈاکٹر عدنان کارڈیالوجسٹ بھی ان کے ہمراہ تھے۔

قوانین کے مطابق مجرمان کی گرفتاری کے پہلے دو روز کسی بھی وقت ملاقات ہو سکتی ہے، ذرائع کے مطابق ملاقات جیل سپرنٹنڈنٹ کے کمرے میں ہوئی، اس موقع پر سیکیورٹی کے انتہائی سخت انتظامات کئے گئے تھے۔ یہ ملاقات کچھ دیر جاری رہی۔

علاوہ ازیں مریم نواز اور کیپٹن (ر) صفدر سے ان کے وکلاء نے اڈیالہ جیل میں ملاقات کی ہے، دونوں نے وکالت ناموں اور ایون فیلڈ ریفرنس کیس میں سزا کیخلاف اپیلوں پر دستخط کردیئے، سابق وزیراعظم نواز شریف، مریم نواز اور کیپٹن (ر) صفدر کیخلاف احتساب عدالت کا فیصلہ پیر کو عدالتی فیصلہ چیلنج کیا جائے گا۔

واضح رہے کہ گزشتہ رات نواز شریف اور مریم نوا ز کو لاہور پہنچنے پر لاہور ائیرپورٹ پر ہی گرفتار کیا گیا اور بعد ازاں دونوں کو اڈیالہ جیل منتقل کیا گیا تھا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں