site
stats
پاکستان

کشمیریوں نے یوم سیاہ منا کربھارتی قبضے کومسترد کردیا، فضل الرحمٰن

FAZAL UL REHMAN

لاہور : جمعیت علمائے اسلام ( ف) کے سربراہ اور کشمیر کمیٹی کے چیئرمین مولانا فضل الرحمن نے کہا ہے کہ بھارت مسئلہ مقبوضہ کشمیر کے حل کیلئے معنی خیز مذاکرت کرے،ٖ یوم سیاہ منا کر کشمیریوں نے بھارتی غاصبانہ قبضے کو مسترد کردیا۔

ان خیالات کا اظہار انہوں نے لاہور میں وزیراعلی پنجاب محمد شہباز شریف سے ملاقات کے موقع پرکیا، ملاقات میں باہمی دلچسپی کے امور ،سیاسی صورتحال اور مقبوضہ جموں وکشمیر کے حالات پر تبادلہ خیال کیا گیا۔

دونوں رہنماؤں نے مقبوضہ جموں و کشمیر میں نہتے کشمیری عوام پر بھارتی مظالم اور لائن آف کنٹرول پر بھارتی افواج کی جانب سے بلااشتعال فائرنگ کے واقعات کی شدید مذمت کی۔

مولانافضل الرحمان نے کہا کہ بھارتی مظالم کے باوجود کشمیریوں نے آزادی کیلئے قربانیاں دیں، کشمیریوں کی جانب سے دی گئی قربانیوں کی نظیرنہیں ملتی، مسئلہ کشمیر کا حل اقوام متحدہ کی قراردادوں کے مطابق ہوناچاہئے۔

یوم سیاہ منا کرکشمیریوں نے بھارتی غاصبانہ قبضے کو مسترد کردیا، مولانافضل الرحمان کا کہنا تھا کہ انسانی حقوق اور عالمی تنظمیں مسئلہ کشمیر پرخاموش ہیں۔

اس موقع پر گفتگو کرتے ہوئے وزیراعلی پنجاب محمد شہباز شریف نے کہا کہ ظلم وجبر سے کشمیری عوام کی تحریک آزادی کو دبایا نہیں جا سکتا، انہوں نے کہا کہ پاکستان ہم سب کا سانجھا ملک ہے اورہم نے ملکر اس کی ترقی اور خوشحالی کے لئے کام کرنا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top