شارجہ کے حکمران نے افریقا سے باہر دنیا کی سب سے بڑی سفاری عوام کے لیے کھول دی ہے۔
شارجہ سفاری پارک کو افریقا سے باہر دنیا کا سب سے بڑا سفاری پارک قرار دیا جا رہا ہے، جو 120 اقسام کے جانوروں اور ایک لاکھ سے زیادہ افریقی درختوں کا گھر ہے۔
جمعرات کو پوسٹ کی گئی ایک ویڈیو میں سپریم کونسل کے رکن اور شارجہ کے نائب حکمران شیخ ڈاکٹر سلطان بن محمد القاسمی کو پارک کا افتتاح کرتے اور سیر کرتے ہوئے دکھایا گیا ہے۔
ویڈیو میں صحرا کے وسط میں 8 مربع کلو میٹر کی جگہ پر جھیلوں اور ہریالی دکھائی گئی ہے، یہ سفاری نخلستان کے شہر الدھید کے قریب بنایا گیا ہے۔
صاحب السمو #حاكم_الشارقة يُهدي المنطقة وجهة سياحية طبيعية فريدة.#سفاري_الشارقة الأكبر في العالم خارج أفريقيا.
سنخوض تجربة السفر للقارة الأفريقية ونحن في قلب مدينة #الذيد في إمارة #الشارقة pic.twitter.com/jBMpk6MDLa— سلطان بن أحمد القاسمي Sultan Bin Ahmed Alqasimi (@saqshj) February 17, 2022
یہ سفاری ہفتے کے 7 دن صبح ساڑھے 8 سے لے کر شام ساڑھے 6 بجے تک کھلی رہے گی، ٹکٹس تین کیٹیگریز پر مشتمل ہیں، گولڈ، سلور اور برونز، پیدل سفر کے لیے قیمتیں 40 درہم سے شروع ہوتی ہیں، اور لگژری ٹرپ کے لیے قیمتیں 275 درہم تک ہیں۔
#أفريقيا تتواجد في #سفاري_الشارقةhttps://t.co/OzDgUsBrkp #الشارقة24 pic.twitter.com/Fu7Wv30etZ
— الشارقة24 (@sharjah24) February 18, 2022
گولڈ کیٹیگری خاندانوں کے لیے پرائیویسی کے ساتھ ہے، اس میں ایک پرائیویٹ گائیڈ کے ساتھ ایک پرائیویٹ کار بھی سیاحوں کو لے کر جاتی ہے، جب کہ دیگر زمروں میں لوگ ان سہولیات کے بغیر سفاری اور مختلف ماحول سے لطف اندوز ہوتے ہیں۔
ماحولیات میں سپورٹ سروسز ڈیپارٹمنٹ کی ڈائریکٹر شمسہ الکتبی نے بتایا خوب صورت قدرتی ماحول سے لطف اندوز ہونے کے لیے خاندانوں اور بچوں کے لیے خصوصی سہولیات فراہم کی گئی ہیں، جن میں بہت سے ریسٹورنٹس اور آرام خانے بھی شامل ہیں۔
