The news is by your side.

Advertisement

شارجہ ٹیسٹ ، پاکستان نے سنسنی خیز مقابلے کے بعد انگلینڈ کو ہرادیا

شارجہ:‌ پاکستان نے انگلینڈ کو ٹیسٹ سیریز میں شکست دیدی.

ٹیسٹ سیریز کے آخری روز انگلینڈ 284 رنز کے ہدف کے تعاقب میں 156 رنز بناکر آؤٹ ہوگئی اور پاکستان نے انگلینڈ کو 127 رنز سے شکست دے کر میچ اور سیریز دو صفر سے اپنے نام کرلی.

دوسری اننگز میں یاسر شاہ نے 4 اور شعیب ملک نے تین وکٹیں حاصل کیں، اس فتح کے بعد نو سال بعد پاکستان آئی سی سی رینکنگ میں دوسرے نمبر پر آگیا۔ سیریز میں یاسر شاہ نےانگلش کھلاڑیوں کو تگنی کا ناچ نچایا، اسپن بولر نےدو میچوں میں 15 وکٹیں حاصل کرلیں.

آخری روز انگلینڈ کی ٹیم کو آغاز سے ہی مشکلات کا سامنا رہا اور کوئی بلے باز جم کر نہ کھیل سکا، انگلینڈ کی جانب سے کپتان الیسٹر کک اور جو روٹ نے دوسری اننگز کا دوبارہ آغاز کیا تاہم جو روٹ کریز پر زیادہ دیر نہ رک سکے اور یاسر شاہ کی گیند پر ایل بی ڈبلیو ہو گئے۔

سمیت پٹیل اور جانی بیرسٹو بغیر کوئی رنز بنائے پویلین لوٹ گئے، آؤٹ ہونے والے چوتھے بلے باز جیمز ٹیلر تھے جو دو رنز بنا کر ذوالفقار بابر کی گیند پر آؤٹ ہوئے.

انگلش ٹیم کھانے کے وقفے کے بعد دوبارہ کھیلنے کے لیے آئی تو اسٹورٹ براڈ 20 رنز بناکر یاسر شاہ کا شکار ہوئے جبکہ کپتان الیسٹر کک 63 رنز بناکر شعیب ملک کی گیند پر سرفراز کے ہاتھوں اسٹمپ ہوگئے.

پہلی اننگز میں فیلڈنگ کے دوران زخمی ہونے والے بین اسٹوکس بھی 12 رنز بناکر یاسر کی گیند پر آؤٹ ہوگئے، انھیں بھی سرفراز نے اسٹمپ آؤٹ کیا.

گزشتہ روز دو سو چوراسی رنز کے تعاقب میں انگلش ٹیم نے کھیل کے اختتام تک دو وکٹ پر چھیالیس رنز بنالئے تھے.

چوتھے روز پاکستان نے دوسری نامکمل اننگز تین کھلاڑی آؤٹ ایک سو چھیالیس رنز پرشروع کی تو دوسرے ہی اوور میں نائٹ واچ مین راحت علی نے ہتھیارڈال دئیے، پروفیسراور مصباح نے ترانوے رنز جوڑ کربرتری کو بڑھایا، مصباح کے آؤٹ ہوتے ہی حفیظ بھی چلتے بنے، اسد شفیق اورسرفرازنےب رتری کو دو سو کے پارلگا، سرفرازاحمدچھتیس رنز کی جارحانہ اننگز کھیل کرآؤٹ ہوگئے۔

اسدشفیق بھی چار رنز کی کمی سے ہاف سنچری مکمل نہ کرسکے۔ قومی ٹیم دوسری اننگز میں تین سو پچپن رنز بناکرآؤٹ ہوگئی۔

ہدف کے تعاقب میں شعیب ملک کی جادوگری نے گوروں کے ارمان ٹھنڈے کردئیے، پہلے معین علی اور پھر ای این بیل کو شکار بنایا، آخری روز پاکستان کو میچ اورسیریز جیتنے کے آٹھ وکٹیں درکار ہے۔

Print Friendly, PDF & Email

Comments

comments

یہ بھی پڑھیں