The news is by your side.

Advertisement

شارجہ: ٹرانسپورٹرز کو بڑا ریلیف مل گیا

شارجہ: متحدہ عرب امارات میں ٹرانسپورٹرز کو بڑا ریلیف مل گیا۔

متحدہ عرب امارات کی ٹرانسپورٹ اینڈ روڈز اتھارٹی کے عہدیدار محمد الزعابی نے بتایا کہ ’ٹول ٹیکس سے مستثنی زمروں کی تعداد نو سے بڑھا کر بارہ کردی گئی ہے۔

الامارات الیوم کے مطابق محمدالزعابی نے بتایا کہ’کسی ایک ٹول ٹیکس پوائنٹ پر فیس دے کر جانے والے ان ٹرکوں سے ٹول ٹیکس نہیں لیا جائے گا جو کہ بارہ گھنٹے کے اندر نئے ٹول ٹیکس پوائنٹ سے گزر رہے ہونگے۔

ٹرانسپورٹ اینڈ روڈز اتھارٹی کے عہدیدار نے بتایا کہ ریاستوں کے حکام، ولی عہد، نائبین کے پروجیکٹس کے لیے کام کرنے والے ٹرک بھی ٹول ٹیکس سے مستثنٰی ہوں گے۔

اسی طرح ریاستی اور وفاقی سرکاری اداروں کے ٹرک، نیز ریاست کے صدر کے انشیٹیوز سے متعلق پروجیکٹس کرنے والی کمپنیوں کے ٹرک بھی مستثنٰی ہوں گے

یہ بھی پڑھیں: سعودی عرب : حکومت نے تمام غیرملکیوں کو خبردار کردیا

’اسی طرح ریاستی اور وفاقی سرکاری اداروں کے ٹرک، نیز ریاست کے صدر کے انشیٹیوز سے متعلق پروجیکٹس کرنے والی کمپنیوں کے ٹرک بھی مستثنی ہوں گے‘۔

بیان میں مزید کہا گیا کہ ’اماراتی صدر کی سرپرستی میں غذائی اشیا منتقل کرنے والے ٹرک، سرکاری اسپتالوں کو ادویہ پہنچانے والی گاڑیاں، گھوڑوں اور اونٹوں کو لے جانے والے ٹرک، کاشتکارو ں کے واٹر ٹینکرز اور گندے پانی کی نکاسی کے پروجیکٹس میں کام کرنے والے ٹینکرز بھی ٹول ٹیکس سے مستثنی ہوں گے۔

Comments

یہ بھی پڑھیں