کراچی: پاکستان کپ میں سندھ کی نمائندگی کرنے والے جارح مزاج اوپنر شرجیل خان نے سنچری جڑ دی۔
تفصیلات کے مطابق پاکستان کپ میں سندھ کی نمائندگی کرنے والے جارح مزاج اوپنر شرجیل خان نے ناردرن کے خلاف 66 گیندوں پر شاندار سنچری اسکور کی۔
شرجیل خان نے 108 رنز کی اننگز میں 13 چوکے اور پانچ فلگ شگاف چھکے لگائے۔
اسٹیٹ بینک اسٹیڈیم میں سندھ نے شرجیل خان کی سنچری کی بدولت ناردرن کو 7وکٹوں سے شکست دے دی، فاتح ٹیم نے 187 رنز کا مطلوبہ ہدف 28اعشاریہ1 اوورز میں3 وکٹوں کے نقصان پر حاصل کرلیا۔
Sharjeel Khan batting highlights! 💯
Watch: https://t.co/0SMiMph8hG#NORvSINDH | #PakistanCup | #HarHaalMainCricket pic.twitter.com/hKPhKO878Q
— Pakistan Cricket (@TheRealPCB) January 16, 2021
شرجیل نے نے 74 گیندوں پر 108 رنز کی اننگز کھیلی جبکہ خرم منظور 52 رنز بناکر آؤٹ ہوئے، اس سے قبل ناردرن کی ٹیم 186 رنز بنا کر آؤٹ ہوگئی، دانش عزیز اور میرحمزہ نے 3 ،3 وکٹیں حاصل کیں۔
یو بی ایل اسپورٹس کمپلیکس میں سدرن پنجاب کے 3 کھلاڑیوں مختار احمد، صہیب مقصود اور حسین طلعت نے سنچریاں اسکور کی، جس کی بدولت خیبرپختونخواہ کو 8 وکٹوں سے ہرادیا۔
سدرن پنجاب نے 317 رنز کا ہدف 40 اعشاریہ 3 اوورز میں حاصل کرلیا، عمران خان سینئر اور آصف آفریدی نے 1،1 وکٹ حاصل کی۔
خیبرپختونخوا نے 9 وکٹوں کے نقصان پر 316 رنز بنائے تھے، خالد عثمان 74 گیندوں پر ناقابل شکست 91 رنز بنا کر نمایاں رہے۔