The news is by your side.

Advertisement

’’شرجیل خان کراچی کنگز کے لیے میچ ونر ثابت ہوگا‘‘

کراچی: پاکستان سپرلیگ سیزن فائیو کی مقبول ٹیم کراچی کنگز کے کپتان عماد وسیم کا کہنا ہے کہ شرجیل خان کو ٹیم میں شامل کرکے بہت خوشی ہوئی، وہ کراچی کنگز کے لیے میچ ونر ثابت ہوسکتا ہے۔

اے آر وائی نیوز کے مطابق اپنے ایک بیان میں عماد وسیم نے کہا کہ بابر اعظم میرے چھوٹے بھائیوں کی طرح ہے۔ بابر اور میں مل کر کراچی کنگز کیلئے کھیلتے ہیں، ایلکس ہیلز ٹیم میں ہے کسی بھی نمبر پر کھیل سکتا ہے، ہر ٹیم کے خلاف بہترین کھیل پیش کرنا ضروری ہے۔

انہوں نے کہا کہ کراچی کنگز کے مالک سلمان اقبال بڑے بھائی کی طرح ہیں، جیسے سلمان اقبال خیال رکھتے ہیں ایسے کوئی فرنچائز نہیں رکھتی، اس سال کراچی کنگز کو بہت زبردست کرکٹر ملے، کراچی کنگز کی ٹیم بہت متوازن ہے، ہوم کراوڈ کے سامنے کھیلنے کا مزہ ہی زبردست ہوگا۔

عماد وسیم کراچی کنگز کے کپتان ہوں‌ گے، سلمان اقبال

کراچی کنگز کے کپتان کا کہنا تھا کہ تمام غیر ملکی کھلاڑی پاکستان آرہے ہیں، غیر ملکی کھلاڑیوں کے پاکستان آنے سے پی ایس ایل اور دلچسپ ہوجائے گی، ڈرافٹ میں ڈین جونز اور وسیم اکرم کے ساتھ میری مشاورت بھی شامل تھی، امید نہیں تھی کہ اتنے اچھے کھلاڑی مل جائیں گے۔

عماد وسیم کا مزید کہنا تھا کہ فٹنس بہترین ہے پی ایس ایل کیلئے پوری طرح تیار ہوں، کراچی کنگز کی کپتانی کرنا اعزاز کی بات ہے۔ خیال رہے کہ عماد وسیم مسلسل تیسرے سال کراچی کنگز کے کپتان ہیں۔ انگلینڈ کی ایلکس ہیلز اور کرس جورڈن کراچی کنگز کا حصہ ہوں گے۔

انہوں نے مزید کہا کہ وسیم اکرم لیجنڈ ہیں ان سے بہت کچھ سیکھنے کو ملتا ہے، ڈین جونز بہترین کوچ اورجارحانہ مزاج ہیں، ڈین جونز حریف ٹیم کے خلاف بہترین منصوبہ بندی کرتے ہیں، بیٹنگ میں مزید بہتری کی کوشش کررہا ہوں، کوشش ہوتی ہے جو رول ملے اس میں بہترین پرفارم کروں۔

fb-share-icon0
Tweet 20

Comments

comments

یہ بھی پڑھیں