شرجیل میمن کی ضمانت میں 25 مئی تک توسیع -
The news is by your side.

Advertisement

شرجیل میمن کی ضمانت میں 25 مئی تک توسیع

کراچی: سندھ ہائی کورٹ نے سابق صوبائی وزیر شرجیل میمن کی ضمانت میں 25 مئی تک توسیع کردی۔

تفصیلات کے مطابق شرجیل میمن کے خلاف کرپشن ریفرنس میں نیب زمینوں کی الاٹمنٹ سے متعلق جواب جمع کروا چکا ہے۔

نیب کا کہنا ہے کہ سپریم کورٹ کی پابندی کے باوجود زمینیں الاٹ کردی گئیں۔ غیر قانونی الاٹمنٹ سے قومی خزانے کو اربوں روپے کا نقصان پہنچا۔

جواب میں کہا گیا کہ شرجیل میمن بحیثیت وزیر بلدیات غیر قانونی الاٹمنٹ میں ملوث رہے۔ ملزمان کے خلاف ناقابل تردید شواہد جمع کرلیے ہیں۔

عدالت نے شرجیل میمن کے وکلا کو جواب الجواب جمع کروانے کا حکم دے دیا۔

یاد رہے کہ سابق صوبائی وزیر شرجیل میمن کے خلاف پونے 6 ارب روپے کرپشن کا ریفرنس احتساب عدالت میں زیر التوا ہے۔

سندھ ہائیکورٹ میں 30 مارچ کو شرجیل میمن کرپشن کیس کی سماعت ہوئی تھی جس میں ان کی جانب سے عبوری ضمانت کی درخواست کو منظور کرلیا گیا تھا۔

مزید پڑھیں: شرجیل میمن کی عبوری ضمانت منظور

شرجیل میمن نے اس سے قبل بیرون ملک سے 2 سال بعد واپسی پر اسلام آباد ہائی کورٹ سے بھی اسی مقدمے میں حفاظتی ضمانت حاصل کی تھی۔

عدالت نے شرجیل میمن کو 20 لاکھ روپے کے مچلکے جمع کروانے کا حکم دیا تھا جبکہ ان کی حفاظتی ضمانت 2 ہفتے کے لیے منظور کی گئی تھی جس میں پہلے بھی توسیع کی جا چکی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

Comments

comments

یہ بھی پڑھیں