The news is by your side.

Advertisement

شرجیل میمن نے صوبائی وزیرکی حیثیت سے حلف اٹھالیا

کراچی : رکن سندھ اسمبلی شرجیل میمن نے صوبائی وزیرکی حیثیت سے حلف اٹھالیا ، قائم مقام گورنر آغا سراج درانی نے حلف لیا۔

تفصیلات کے مطابق گورنرہاؤس میں شرجیل میمن کی تقریب حلف برداری ہوئی ، جس میں وزیراعلیٰ سندھ نے شرکت کی۔

تقریب میں شرجیل میمن نے صوبائی وزیرکی حیثیت سے حلف اٹھایا ، قائم مقام گورنر آغا سراج درانی نےشرجیل میمن سے وزارت کا حلف لیا۔

تقریب میں صوبائی وزرا،مشیران، معاونین خصوصی، صوبائی سیکریٹریزشریک ہوئے ، وزیراعلیٰ سندھ نے شرجیل انعام کو صوبائی وزیر کا حلف لینے پرمبارکباد دی۔

واضح رہے شرجیل میمن کوکرپشن کے الزام پر کابینہ سے ہٹایا گیا تھا۔

یاد رہے گذشتہ روز سندھ کابینہ میں تبدیلیاں کرتے ہوئے وزیر ٹرانسپورٹ سندھ اویس قادر شاہ کو وزارت سے ہٹا دیا گیا تھا اور شرجیل میمن کو صوبائی وزیر بنانے کا فیصلہ کیا گیا تھا۔

خیال رہے سندھ کابینہ میں وزرا کے محکموں کی تبدیلی بھی متوقع ہے ، ایم کیوایم نے سندھ حکومت میں شمولیت مذاکراتی عمل میں پیشرفت سے مشروط کی ہے۔

ایم کیوایم کی شمولیت کی صورت میں پی پی کے مزید 2 وزرا اور ایک مشیر کو ہٹایا جائے گا۔

ایم کیوایم 3وزیر اور ایک مشیر سندھ کابینہ میں شامل کرنے کی درخواست کررہی ہے اور پیپلزپارٹی ایم کیوایم کو 2 وزیر ،ایک مشیر اور 2 معاونین خصوصی دینے پر رضا مند ہے۔

Comments

یہ بھی پڑھیں