The news is by your side.

Advertisement

پنجاب حکومت نے شرمین عبید چنائے کو عورتوں پر مظالم کی روک تھام کے مراکز کا سفیر مقرر کردیا

لاہور : پنجاب حکومت نے آسکر ایوارڈ یافتہ ہدایتکارہ شرمین عبید چنائے کو عورتوں پر مظالم کی روک تھام کے مراکز کا سفیر مقرر کر دیا ہے۔

عالمی شہرت یافتہ نامور فلمساز شرمین عبید چنائے اور روبینا شاہین کو پنجاب میں وی اے ڈبلیو مراکز کا ’’ایمبسیڈر‘‘ مقرر کر دیا گیا ہے، لاہورمیں ہونیوالی ایک پریس کانفرنس کے دوران ترجمان پنجاب حکومت سلمان صوفی نے بتایا کہ وزیر اعلی پنجاب کی ہدایت پر عالمی شہرت یافتہ ہدایتکارہ شرمین عبید چنائے کو خواتین کے حوالے سے خدمات پر خواتین پر مظالم کی روک تھام کے مراکز کا سفیر مقرر کیا گیا ہے۔

post-1

انھوں نے کہا کہ ان کے علاوہ روبینا شاہین کو بھی ان مراکز کا سفیر مقرر کیا گیا، پنجاب میں خواتین پر مظالم کی روک تھام کے پہلے مرکز کا افتتاح سات مارچ کو ملتان میں ہوگا، ان مراکز کے ذریعے پنجاب کی خواتین کو تحفظ فراہم کیا جائے گا اور ان کے ساتھ پیش آنے والے ناخوشگوار واقعات پر فوری ایکشن لیا جائے گا۔

سلمان صوفی نے کہا کہ شرمین عبید چنائے اور روبینہ شاہین کو ’’وی اے ڈبلیو سی ایمبسیڈر‘‘ مقرر کرنے کا مقصد گراس روٹ لیول پر خواتین پر ذہنی، جسمانی اور معاشی تشدد کے خاتمے کے رحجان کو فروغ دینا ہے۔ خواتین پر تشدد اور ان کے حقوق کی خلاف ورزی جیسے سماجی مسائل کو حل کرنے کے لئے معاشرے کے تمام طبقات کو اپنا بھرپور کردار ادا کرنا ہو گا۔

یو این ویمن پاکستان کے کنٹری نمائندہ جمشید قاضی نے شرمین عبید چنائے اور روبینہ شاہین کی وی اے ڈبلیو سی گڈ ول ایمبسیڈر تعیناتی کو سراہتے ہوئے کہا ہے کہ شرمین عبید چنائے اور روبینہ شاہین خواتین پر تشدد کے خاتمے کا عوامی شعور بیدار کرنے کے لئے نمایاں کردار ادا کریں گی۔

Print Friendly, PDF & Email

Comments

comments

یہ بھی پڑھیں