The news is by your side.

Advertisement

شرمین عبیدچنائے کوآسکر نامزدگی کاسرٹیفکیٹ مل گیا

پاکستان کے لئے پہلا آسکر ایوارڈ جیتنے والی فلم میکر شرمین عبید چنائے کو رواں ماہ ہونے والے 88ویں اکیڈمی ایوارڈز میں اپنی نئی فلم کی نامزدگی کا سرٹیفکیٹ موصول ہوگیا ہے ۔

پاکستان کی آسکر خاتون فلمساز شرمین عبید چنائے کو اپنی نئی دستاویزی فلم اے گرل ان دی ریور، دی پرائس آف فارگیونِس کا نامزدگی سرٹیفکیٹ برائے ایوارڈ مل گیا ہے۔

یہ سرٹیفکیٹ انھیں88 ویں اکیڈمی ایوارڈ کے نومیشین لنچ کے موقع پر دیگر نومینیز کے ساتھ ملا، نامزدگی لنچ کااہتمام اکیڈمی موشن پکچر آرٹس اینڈ سائنسس کی طرف سے کیلیفورنیا میں کیا گیا تھا۔

دنیا بھر سے بہترین دستاویزی فلموں کیلئے نامزد ہونے والی 5 فلموں میں شامل ہے، کسی ایک بہترین فلم کا انتخاب 28 فروری 2016 کو منعقد ہونیوالی رنگا رنگ آسکر ایوارڈ کی سالانہ تقریب میں کیا جائیگا، شرمین عبید چنائے اس بار بھی پرامید ہیں کہ دوسری بار پاکستان کے لئے ایوارڈ جیت جائینگی۔

تقریب کے شرکا میں شرمین عبید چنائے کے علاوہ اداکارہ الیسیا ویکنڈر، جینیفر جیسن ،شارلیٹ ریمپلنگ، سیوس رونان رونی مارا، لیڈی گاگا ،میٹ ڈیمن، مارک روفالو بری لارسن،ایڈی ریڈمائن، جیکب ٹریمبلے ، الجینڈرو گونزالیز اور گلوکار سام سمتھ بھی شامل تھے ۔

 

Print Friendly, PDF & Email

Comments

comments

یہ بھی پڑھیں