کراچی: پیپلزپارٹی کی رہنما شرمیلا فاروقی اور اداکارہ آمنہ الیاس کی ’ہیلووین‘ کی تصاویر سوشل میڈیا پر وائرل ہوگئیں۔
تفصیلات کے مطابق پیپلزپارٹی کی رہنما اور رکن سندھ اسمبلی شرمیلا فاروقی اور اداکارہ آمنہ الیاس نے انسٹاگرام اکاؤنٹ پر ہیلووین کے موقع پر خوفناک روپ دھار کر تصاویر شیئر کیں۔
تصاویر میں شرمیلا ڈھانچے کی طرح کی سیاہ شرٹ زیب تن کی ہوئی ہیں اور انہوں نے ڈراؤنا میک اپ کررکھا ہے، تصاویر میں دیکھا جاسکتا ہے کہ میک اپ آرٹسٹ نے ان کے چہرے کے دونوں اطراف منفرد طرز کا میک اپ کیا ہے۔
ان تصاویر میں شرمیلا فاروقی ہاتھ میں کلہاڑی اور زنجیر تھامے خوف کا عنصر دے رہی ہیں، شرمیلا نے کیپشن میں میک اپ آرٹسٹ کے فن کی بھی تعریف کی۔
دوسری جانب اداکارہ و ماڈل آمنہ الیاس نے بھی ہیلووین کی ویڈیو شیئر کی جسے مداحوں کی جانب سے خوب سراہا جارہا ہے۔
View this post on Instagram
— Chucky #ChuckyDoll #Halloween Getup by @arshadkhan.makeupartist #teamarshadkhan @aalikhan.mua
ویڈیو میں دیکھا جاسکتا ہے کہ آمنہ الیاس ہالی ووڈ ہارر فلم ’چکی‘ کا روپ دھاری ہوئی ہیں، انہوں نے ویڈیو میں کیپشن لکھا کہ ’کورونا کے دوران چکی۔‘
اداکارہ نے ایک اور تصویر شیئر کی جس میں وہ ہارر فلم چکی ڈول کی طرح چاقو لیے ہوئے ہیں۔‘
واضح رہے کہ ‘ہیلووین’ ایک مغربی تہوار ہے جو کہ بہت سے مشرقی ممالک میں بھی 31 اکتوبر کو منایا جاتا ہے۔
اِس رات اندھیرا چھانے پر بچے اور بڑے خوفناک قسم کے ملبوسات پہن کر دوسروں کو ڈرانے کے لیے نکل کھڑے ہوتے ہیں۔
