The news is by your side.

Advertisement

ششی کپور 79 برس کی عمر میں چل بسے

ممبئی: بالی ووڈ اداکار ششی کپور طویل علالت کے بعد 79 برس کی عمر میں دنیا سے کوچ کرگئے۔

بھارتی میڈیا کے مطابق بالی ووڈ اداکار کو گزشتہ شب طبیعت خراب ہونے کے بعد اسپتال منتقل کیا گیا تاہم وہ جانبر نہ ہوسکے۔اہل خانہ نے ششی کپور کی موت کی تصدیق کردی۔

بالی ووڈ اداکار موہت مارواہ نے سماجی رابطے کی ویب سائٹ پر ٹوئٹ کرتے ہوئے ششی کپور کے انتقال کی اطلاع دی، اُن کا کہنا تھا کہ ’میرے پسندیدہ اداکار ششی کپور دنیا سے گزر گئے۔

ششی کپور کی موت پر جہاں اُن کے مداح غمزدہ ہیں وہیں شوبز انڈسٹری کی نامور شخصیات بھی معروف اداکار کے بچھڑنے پر رنجیدہ ہیں۔

واضح رہے کہ ششی کپور 1938 میں پیدا ہوئے اور انہوں نے 1941 یعنی صرف تین سال کی عمر سے ہی فلمی دنیا میں قدم رکھا دیا تھا، آپ نے 1961 میں فلم دھرم پترا میں مرکزی کردار ادا کیا اور زندگی میں 160 سے زائد فلموں میں اداکاری کے جوہر دکھائے۔

پرتھوی راج کپور کے سب سے چھوٹے صاحبزادے ششی کپور کو بھارتی حکومت نے پدما بھوشن کے ایوارڈ سے نوازا، بالی ووڈ اداکار نے جہاں متعدد فلموں میں کام کیا وہیں قائداعظم پر بننے والی فلم جناح میں بھی کردار ادا کیا۔

بالی ووڈ اداکار نے امیتابھ بچن کے ساتھ کئی فلموں میں کام کیا جنہوں نے باکس آفس پر شاندار بزنس بھی کیا، ششی کپور کی فلم کا ایک ڈائیلاگ ’میرے پاس ماں ہے‘ بہت مشہور ہوا جو آج بھی کئی مواقعوں پر استعمال کیا جاتا ہے۔

 

 

Print Friendly, PDF & Email

Comments

comments

یہ بھی پڑھیں