The news is by your side.

Advertisement

انسانی حقوق کی تنظیمیں کشمیرمیں نسل کشی روکنے پر کردار ادا کریں، شوکت بسرا

لاہور: ترجمان پنجاب حکومت شوکت بسرا کا کہنا ہے کہ وزیراعظم عمران خان نے مسئلہ کشمیر کو عالمی سطح پر پہلی بار اجاگر کیا۔

تفصیلات کے مطابق ترجمان پنجاب حکومت شوکت بسرا کا کہنا ہے کہ انسانی حقوق کی تنظیمیں کشمیرمیں نسل کشی روکنے پرکردار ادا کریں۔

شوکت بسرا کا کہنا ہے کہ وزیراعظم عمران خان نے مسئلہ کشمیر کو عالمی سطح پر پہلی بار اجاگر کیا۔

ترجمان حکومت پنجاب نے کہا کہ کرپشن ملک کی بنیادیں کھوکھلی کر دیتی ہے، آئندہ آنے والے 2 سے 3 ماہ سیاست میں خاصی ہلچل ہوگی۔

شوکت بسرا نے مزید کہا کہ جس نے بھی کرپشن کی اس کا احتساب ہونا چاہیے۔

مقبوضہ کشمیرمیں51ویں روز بھی کرفیو

واضح رہے کہ مقبوضہ کشمیر میں آج مسلسل 51ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

کشمیر میڈیا سروس کے مطابق وادی میں کرفیو کے باعث 3 ہزار 9 سو کروڑ کا نقصان ہو چکا ہے، وادی میں کھانا میسر ہے اور نہ ہی دوائیں۔ سرینگر اسپتال انتظامیہ کے مطابق کرفیو کے باعث روزانہ 6 مریض لقمہ اجل بن جاتے ہیں۔

Comments

comments

یہ بھی پڑھیں