The news is by your side.

Advertisement

اپوزیشن کو عمران خان فوبیا ہوچکا ہے، شوکت یوسفزئی

پشاور: صوبہ خیبرپختونخوا کے وزیر اطلاعات شوکت یوسفزئی نے کہا ہے کہ اپوزیشن کو عمران خان فوبیا ہوچکا ہے۔

تفصیلات کے مطابق وزیر اطلاعات خیبرپختونخوا شوکت یوسفزئی نے کہا ہے کہ اپوزیشن سو مرتبہ تحریک چلالے انہیں کچھ حاصل نہیں ہوگا، عوام کبھی چوروں کا ساتھ نہیں دے گی۔

وزیراعظم عمران خان کو ملک ٹھیک کرنے کا مینڈیٹ عوام نے دیا ہے

شوکت یوسفزئی

شوکت یوسفزئی نے کہا کہ حکومت کسی کے دباؤ میں نہیں آئے گی احتساب کا سلسلہ جاری رہے گا جن کو احتساب کا خوف ہو وہ کیا تحریک چلائیں گے۔

صوبائی وزیر اطلاعات نے کہا کہ مریم، بلاول اور حمزہ ایک دن کی گرمی تک برداشت نہیں کرسکتے تحریک کیا چلائیں گے۔

شوکت یوسفزئی نے کہا کہ وزیراعظم عمران خان کو ملک ٹھیک کرنے کا مینڈیٹ عوام نے دیا ہے۔

واضح رہے گزشتہ ماہ شوکت یوسفزئی کا کہنا تھا کہ قبائلی علاقوں میں انفرا اسٹرکچر کے لیے امن ناگزیر ہے، کچھ لوگ نہیں چاہتے کہ قبائلی اضلاع میں امن ہو۔

مزید پڑھیں: ملک دشمن عناصر کے خلاف بھرپور کارروائی ہوگی: شوکت یوسفزئی

شوکت یوسفزئی کا کہنا تھا کہ دشمن ایجنسیاں اور ملک پاکستان کے خلاف کبھی کامیاب نہیں ہوں گے، مشکلات یقیناً ہیں لیکن ہم ان مشکلات سے نکل جائیں گے۔

انہوں نے مزید کہا تھا کہ چند لوگ دوبارہ پختونوں کو استعمال کرنا چاہتے ہیں، ’کیا پختون اسی لیے ہیں کہ بندوق اٹھائیں، لڑیں اور مریں‘۔

Comments

comments

یہ بھی پڑھیں