The news is by your side.

Advertisement

‘بلاول اور مریم اخروٹ نہیں توڑ سکتے حکومت کیا گرائیں گے’

پشاور : صوبائی وزیر شوکت یوسفزئی کا کہنا ہے کہ جلسوں اور احتجاج سے ڈرنے والے نہیں ہیں، بلاول اور مریم اخروٹ نہیں توڑ سکتے حکومت کیا گرائیں گے۔

تفصیلات کے مطابق خیبر پختونخواہ حکومت کے ترجمان شوکت یوسفزئی نے اپنے بیان میں کہا ہے کہ اپوزیشن عوام نہیں اپنے لیڈر کی کرپشن بچانے کیلئے اکٹھی  ہے، اپوزیشن کے جلسوں اوراحتجاج سے ڈرنے والے نہیں ہیں، بلاول اور مریم اخروٹ نہیں توڑسکتےحکومت کیا گرائیں گے۔

شوکت یوسفزئی کا کہنا تھا کہ مذاکرات کی دعوت کےباوجودسڑکوں پرنکلناسمجھ سےبالاترہے، پی ڈی ایم کی حقیقت بہت جلد عوام کے سامنے آجائے گی۔

ترجمان کے پی حکومت نے کہا کہ پاک فوج ہمارافخر ہے،انھی کی بدولت آج ملک میں سکون ہے، پی ڈی ایم کے غبارے سے ہوا نکل چکی ہے، سیکیورٹی خدشات ہیں،پشاور میں پی ڈی ایم جلسہ نہیں ہوناچاہئے، مایوس اور مسترد شدہ سیاستدان پی ڈی ایم کا حصہ ہیں۔

یاد رہے خیبر پختونخواہ حکومت کے ترجمان شوکت یوسفزئی نے دہشت گردی کے خطرات کےپیش نظرپی ڈی ایم پشاور جلسے پر نظرثانی کی اپیل کرتے ہوئے کہا تھا کہ جانوں کو رسک میں نہ ڈالاجائے۔

انھوں نے کہا تھا کہ پی ڈی ایم جلسوں میں فوج کیخلاف ہرزہ سرائی قابل مذمت ہے، قتدار کی محرومی نے نواز شریف کو ذہنی مریض بنادیا ہے،نواز شریف اورمودی کابیانیہ ایک ہوتا جارہاہے۔

Comments

یہ بھی پڑھیں