The news is by your side.

Advertisement

اپوزیشن کا یوم سیاہ کا ڈرامہ بری طرح فلاپ ہوا، قوم وزیراعظم کے ساتھ ہے، شوکت یوسفزئی

مردان : وزیراطلاعات خیبرپختونخوا شوکت یوسفزئی نے کہا ہے کہ گزشتہ روز اپوزیشن کا یوم سیاہ کا ڈرامہ بری طرح فلاپ ہوا، قوم وزیر اعظم عمران خان کے ساتھ ہے ان کو منہ کی کھانی پڑے گی۔

ان خیالات کا اظہار انہوں نے مردان میں میڈیا نمائندوں سے گفتگو کرتے ہوئے کیا، انہوں نے کہا کہ اپوزیشن کی تمام جماعتیں اپنے بیانیے پر عوام کو مطمئن کرنے میں ناکام رہی۔

اپوزیشن کا یوم سیاہ کا ڈرامہ بری طرح فلاپ ہوا، یوم سیاہ کے نام پر پشاور میں چند ہزار لوگ جمع نہ کرپانے والی اپوزیشن جماعتیں ملک میں انتشار چاہتی ہیں۔

اپوزیشن صرف کسی بھی طرح اپنا لیڈروں کو جیل سے باہر نکالنے کے چکر میں ہے، شوکت یوسفزئی کا مزید کہنا تھا کہ اپوزیشن پشاور کی طرح جلسی کرنا چاہے تو ہم کنٹینر دینے کو تیار ہیں، پوری قوم عمران خان کے ساتھ ہے آئندہ بھی اپوزیشن جماعتوں کو منہ کی کھانی پڑے گی۔

مزید پڑھیں: عوام نے اپوزیشن کی احتجاج کی کال مسترد کر دی: وزیر اطلاعات پنجاب

واضح رہے کہ گزشتہ روز25 جولائی کو عام انتخابات کے ایک سال مکمل ہونے پر اپوزیشن جماعتوں کی جانب سے ملک بھر میں حکومت مخالف احتجاجی ریلیوں اور جلسوں کا انعقاد کیا تھا۔

ذرائع کے مطابق مذکورہ احتجاجی جلسوں اور ریلیوں میں عوام کی قابل ذکر تعداد شریک نہ ہوسکی، فوام کی عدم شرکت کے باعث اپوزیشن کو بھی خفت کا سامنا کرنا پڑا۔

Comments

یہ بھی پڑھیں