کل چاند نظر آنے کے واضح امکانات ہیں، محکمہ موسمیات Shawal
The news is by your side.

Advertisement

کل چاند نظر آنے کے واضح امکانات ہیں، محکمہ موسمیات

کراچی: محکمہ موسمیات کا کہنا ہے کہ کل شوال کا چاند نظر آنے کے واضح امکانات موجود ہیں۔

محکمہ موسمیات کے ترجمان کی جانب سے جاری بیان میں کہا گیا ہے کہ ملک کے بیشتر علاقوں میں مطلع صارف رہے گا اور شوال کے چاند کی پیدائش آج صبح 7 بج کر 31 منٹ پر ہوچکی ہے۔

محکمہ موسمیات کے مطابق کل شام رویت کی عمر 36 گھنٹے سے زائد ہوگی اس لیے اُسے آسانی سے دیکھا جاسکے گا، چاند کی عمر 30 گھنٹوں سے زائد ہو تو نظر آنے کا امکان بڑھ جاتا ہے۔

کراچی میں رویت ہلال کمیٹی کا اجلاس مفتی منبیب الرحمان کی سربراہی میں کل منعقد کیا جائے گا جہاں شوال کا چاند نظر آنے یا نہ آنے سے متعلق ملنے والی شہادتوں کی روشنی میں باقاعدہ اعلان کریں گے۔

دوسری جانب سعودی عرب سمیت دیگر خلیجی ممالک میں ماہ شوال کا چاند دیکھنے کے حوالے سے آج اجلاس منعقد کیے جارہے ہیں۔

Comments

comments

یہ بھی پڑھیں