The news is by your side.

بابر غوری کے خلاف انکوائریوں اورانویسٹی گیشنز کی مکمل تفصیلات طلب

کراچی :سندھ ہائی کورٹ نے بابر غوری کے خلاف انکوائریوں اورانویسٹی گیشنز کی مکمل تفصیلات طلب کرلیں۔

تفصیلات کے مطابق سندھ ہائی کورٹ میں سابق وزیرپورٹس اینڈشپنگ بابرغوری کے خلاف انکوئریوں کے کیس کی سماعت ہوئی۔

جسٹس کے کے آغا نے استفسار کیا درخواست گزاراس وقت کہاں ہے؟ جس پر شبیر شاہ ایڈووکیٹ نے بتایا کہ وہ اس وقت دبئی میں ہیں۔

عدالت نے ریمارکس دیئے کہ بابر غوری کو عدالت میں پیش ہونا چاہیے تھا، شبیرشاہ ایڈووکیٹ کا کہنا تھا کہ بابر غوری جب کراچی ائیرپورٹ پہنچے تو انہیں گرفتار کر لیا گیا اور پولیس نے گرفتاری کے 3 دن بعد بابرغوری کو بے گناہ قرار دے دیا تھا۔

عدالت نے سوال کیا اب اس عدالت سےآپ کیا چاہتےہیں؟ جس پر شبیر شاہ ایڈووکیٹ کا کہنا تھا کہ بابرغوری کےخلاف جوبھی خفیہ تحقیقات جاری ہیں تفصیلات طلب کی جائیں۔

عدالت نے بابر غوری کے خلاف انکوائریوں اورانویسٹی گیشنز کی مکمل تفصیلات طلب کرتے ہوئے وفاقی اور صوبائی حکومتوں سے رپورٹ طلب کرلی۔

عدالت نے فریقین کو 4 اکتوبر کو تحریری جواب جمع کرانے کا حکم دے دیا۔

Comments

یہ بھی پڑھیں