The news is by your side.

Advertisement

مستقبل کی پیش گوئی اور خواب دیکھنے والے منظور وسان کی ضمانت میں توسیع

کراچی : سندھ ہائی کورٹ نے پیپلز پارٹی کے رہنما منظوروسان کی حفاظتی ضمانت میں چودہ مئی تک توسیع کردی اور نیب کوانکوائری مکمل کرنے کے لیے آٹھ ہفتےکی مہلت بھی دے دی۔

تفصیلات کے مطابق تفصیلات کے مطابق سندھ ہائی کورٹ میں پیپلز پارٹی رہنما منظور وسان کیخلاف آمدن سے زائد اثاثوں کے کیس کی سماعت ہوئی ، رہنما پیپلز پارٹی منظور وسان اورڈائریکٹر نیب سکھر عدالت میں پیش ہوئے۔

ڈائریکٹرنیب نے بیان میں کہا منظوروسان پر بےنامی جائیدادیں رکھنےکاالزام ہے، انکوائری مکمل کرنےکےلیے مہلت دی جائے،جس پرچیف جسٹس نےوقت دیتے ہوئے کہا ایسا نہ ہو کھودا پہاڑ، نکلا چوہا، وہ بھی مرا ہوا والا معاملہ ہو۔

نیب وکیل نےجواب دیا نیب قوانین میں ترمیم کے باعث منظوروسان کو کچھ ریلیف ملے گا۔

عدالت نے نیب کوانکوائری مکمل کرنے کے لیے 8 ہفتےکی مہلت دیتے ہوئے منظور وسان کی حفاظتی ضمانت میں 14 مئی تک توسیع کردی۔

گذشتہ سماعت میں نیب پراسیکیوٹر نے بتایا تھا منظوروسان کے خلاف 42مزیدجائیدادیں ملی ہیں، چیف جسٹس سندھ ہائی کورٹ نے کہا تمام جائیدادیں منظور وسان کے نام ہیں،اس کا کیا ثبوت ہے، ہمیں سب پتہ ہے نیب کیا کررہی ہے، پورے سندھ میں گل گلزار ہورہاہے۔

نیب پراسیکیوٹر کا کہنا تھا کہ منظور وسان کے خلاف تحقیقات جاری ہیں، حتمی رپورٹ پیش کرنے کے لیے مزید مہلت دی جائے، عدالت نے ڈی جی نیب سکھر، کیس آفیسر کو نوٹس جاری کرتے ہوئے کہا آئندہ سماعت پر ڈی جی نیب سکھر پیش ہوکربتائیں کیاچل رہاہے۔

fb-share-icon0
Tweet 20

Comments

comments

یہ بھی پڑھیں