The news is by your side.

Advertisement

صوبائی وزیرماحولیات تیمورتالپورکی ضمانت میں 10مئی تک توسیع

کراچی: چیف جسٹس سندھ ہائی کورٹ نے پیپلزپارٹی کے صوبائی وزیرماحولیات تیمور تالپور کو نیب کے سامنے پیش ہونے کا حکم دے دیا۔

تفصیلات کے مطابق سندھ ہائی کورٹ میں چیف جسٹس کی سربراہی میں صوبائی وزیر ماحولیات تیمور تالپور کی درخواست ضمانت پرسماعت ہوئی۔

عدالت میں سماعت کے دوران نیب افسر نے بتایا کہ تیمورتالپور کو بیان کے لیے کئی بار طلب کیا پیش نہیں ہوتے جس پر صوبائی وزیر نے جواب دیا کہ نیب والے جھوٹ بول رہے ہیں، ان کے سامنے پیش ہوچکا ہوں۔

سندھ ہائی کورٹ نے استفسار کیا کہ جو ملزمان پیش ہوتے ہیں نیب کیا ان کا ریکارڈ مرتب کرتا ہے؟ جس پر نیب افسر نے جواب دیا کہ مہمان ریکارڈ میں سب لکھا جاتا ہے۔

عدالت نے نیب افسر پربرہمی کا اظہار کرتے ہوئے کہا کہ ملزمان کومہمان سمجھتے ہو، لوگوں کا دم نکل جاتا ہے، نیب دفتر کے گیٹ پرکیمرے لگائیں تاکہ پتا چلے کون آیا تھا اور کون نہیں۔

سندھ ہائی کورٹ نے پیپلزپارٹی کے صوبائی وزیرماحولیات تیمور تالپور کی ضمانت میں 10 مئی تک توسیع کرتے ہوئے انہیں نیب کے سامنے پیش ہونے کا حکم دے دیا۔

یاد رہے کہ گزشتہ ماہ نیب تحقیقات کی زد میں آئے صوبائی وزیر تیمور تالپور نے ضمانت کے لیے سندھ ہائی کورٹ سے رجوع کیا تھا۔

Comments

comments

یہ بھی پڑھیں