site
stats
پاکستان

بغاوت،دہشتگردی مقدمات، متحدہ لندن کے 3کارکنان کی ضمانت منظور

کراچی : سندھ ہائیکورٹ نے بغاوت اور دہشتگردی کے مقدمات میں ایم کیوایم لندن کے تین کارکنان کی ضمانت منظور کرلی۔

تفصیلات کے مطابق سندھ ہائیکورٹ میں بغاوت ودہشتگردی مقدمات کی سماعت ہوئی، عدالت نے متحدہ لندن کے تین کارکنان حسن عالم ، جاوید شوکت اور فیصل کی ضمانت منظور کرلی، عدالت نے تینوں ملزمان کو دو، دو لاکھ روپے کے مچلکے جمع کرانے کا حکم دیتے ہوئے ملزمان کے پاسپورٹ ٹرائل کورٹ میں جمع کرانے کی ہدایت کردی۔

عدالت نے کہا کہ ملزمان کےخلاف مطلوبہ شواہد ناکافی ہیں، اے ٹی سی نے ملزمان کی درخواست ضمانت مسترد کردی تھی۔

رینجرز کے وکیل کا کہنا تھا کہ ملزمان کو جوڈیشل مجسٹریٹ کے سامنے گواہوں نے شناخت کیا تھا، مقدمےمیں رکن قومی اسمبلی کنور نوید جمیل کی ضمانت منظور ہوچکی ہے۔

سماعت کے دوران چیف جسٹس نے رینجرز کے وکیل سے استفسار کیا کہ کیا کنور نوید کی ضمانت کے فیصلے کیخلاف اپیل کی، جس پر رینجرز وکیل نے بتایاکہ کنور نوید کا نام ایف آئی آر میں نہیں، نہ وہ فوٹیج میں نظر آئے۔


مزید پڑھیں : متحدہ رہنما کنور نوید جمیل جیل سے رہا


یاد رہے جنوری میں پاکستان مخالف نعروں اور میڈیا ہاؤس پر حملہ کیس کی سماعت کے دوران انسداد دہشت گردی کی خصوصی عدالت نے کنور نوید جمیل کے ضمانتی مچلکے منظور کرلیے تھے اور انکو رہا کردیا تھا۔

اس موقع پر کنورنوید نے کہا تھا کہ جن لوگوں نے میری رہائی کیلئے دعا کی ان کاشکر گزار ہوں، یہ میری چوتھی قید تھی، ہمارے لئے قیدو بند کی سعوبتیں برداشت کرنا کوئی بڑی بات نہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top