The news is by your side.

پیمرا کی اپیل : سندھ ہائی کورٹ کا اے آروائی نیوز کو شوکاز نوٹس پر جاری حکم امتناع معطل کرنے سے انکار

کراچی : سندھ ہائیکورٹ نے پیمرا کی اپیل پر اے آروائی نیوز کو شوکاز نوٹس پر حکم امتناع معطل کرنے سے انکار
کردیا۔

تفصیلات کے مطابق سندھ ہائی کورٹ میں اے آروائی نیوز کو شوکاز نوٹس پر حکم امتناع کیخلاف پیمرا کی اپیل پر سماعت ہوئی۔

سندھ ہائیکورٹ میں پیمرا کی اپیل پر اے آروائی نیوز کی جانب سے جواب داخل کرایا گیا ، سندھ ہائیکورٹ نے استفسار کیا کس نے چینل بند کیا ہوا ہے؟

وکیل پیمرا نے بتایا کہ کیبل آپریٹرز نے چینل بند کیا ہوا ہے ، جس پر عدالت نے استفسار کیا کہ پیمرا ریگولیٹری باڈی ہے ،پھر یہ کیسے بند ہوگیا؟

وکیل اے آر وائی نیوز نے بتایا کہ چینل تاحال بند ہے،پیمراکوئی کردار ادا نہیں کررہا، جس پر وکیل پیمرا نے کہا یہ کیبل آپریٹرز کا معاملہ ہے، پیمرا نشریات پراعتراض نہ ہونے کا سرکلر دے چکا۔

بیرسٹر عابد زبیری کا کہنا تھا کہ اےآروائی نیوزکی نشریات کی بحالی میں عملی کوشش نظرنہیں آرہی، جس پر وکیل پیمرا نے کہا پروگرام اسلام آباد میں ہوا ہے سب معاملہ وہی ہوا ہے۔

سندھ ہائیکورٹ کا پیمرا کی اپیل پر حکم امتناع معطل کرنے سے انکار کردیا اور فریقین کے وکلا کے دلائل کے بعد سماعت 23اگست تک ملتوی کردی۔

Comments

یہ بھی پڑھیں