کراچی : غیر اعلانیہ لوڈشیڈنگ، سندھ ہائی کورٹ برہم،29 مئی کو کے الیکٹرک کے اعلیٰ حکام طلب -
The news is by your side.

Advertisement

کراچی : غیر اعلانیہ لوڈشیڈنگ، سندھ ہائی کورٹ برہم،29 مئی کو کے الیکٹرک کے اعلیٰ حکام طلب

کراچی : کے الیکٹرک کی جانب سے کراچی میں غیر اعلانیہ لوڈشیڈنگ کے خلاف سندھ ہائی کورٹ نے برہمی کا اظہار کرتے ہوئے 29مئی کو کے الیکٹرک کے اعلیٰ حکام کو طلب کرلیا ہے۔

کراچی میں کے الیکٹرک کی غیر اعلانیہ لوڈشیڈنگ پر سندھ ہائیکورٹ برہم نے29 مئی کوکے الیکٹرک کے اعلیٰ حکام کو طلب کرلیا ہے، عدالت نے کہا کہ غیر اعلانیہ لوڈشیڈنگ دیکھ کر خاموش نہیں بیٹھ سکتے، بتایا جائے لوڈشیڈنگ کی روک تھام کیلئے کیا اقدامات کئے ہیں۔

جسٹس عرفان سادات نے کہا کہ کیا کے الیکٹرک لوگوں کے مرنے کا انتظار کررہا ہے؟ کیا کے الیکٹرک، نیپرا لوڈشیڈنگ کے جن کو قابو نہیں کرسکتے۔

وکیل فیصل صدیقی نے کہا نیپرا نے کے الیکٹرک کو غیر اعلانیہ لوڈشیڈنگ سے روکا تھا، شہر میں لوڈشیڈنگ بڑھ چکی ہے، شہری شدید پریشان ہیں۔

کے الیٹرک کے وکیل نے کہا لوڈشیڈنگ جامشورو میں پول گرنے، گیس کمی سے ہورہی ہے، سندھ حکومت بھی گیس کی لوڈشیڈنگ کے خلاف احتجاج کررہی ہے۔

ایڈووکیٹ فیصل صدیقی نے کہا کہ کے الیکٹرک غیر منصفانہ لوڈشیڈنگ کررہا ہے، کراچی کے مضافاتی اور غریب علاقوں میں زیادہ لوڈشیدنگ کی جارہی ہے، نیپرا قوانین کے مطابق لوڈشیڈنگ قوانین کے احکامات جاری کیے جائیں۔

کے الیکٹرک کے وکیل نے کہا کہ لوڈشیدنگ کے حوالے سے حکم نامے کو میڈیا پر آنے سے روکا جائے۔

دوسری جانب کراچی میں بجلی کی لو ڈ شیڈنگ کا نہ تھمنے والا سلسلہ جا ری ہے، کے الیکٹرک کے بلند و بانگ دعوے ہوا ہوگئے گھنٹوں گھنٹوں بجلی عدم فراہمی معمول بن گئی شہری شدید عذاب میں مبتلا ہے۔

گزشتہ روز وزیراعلیٰ سندھ سیدمراد علی شاہ سے کے الیکٹرک کے اعلیٰ سطح وفد نے ملاقات کی تھی، وفد نے وزیراعلی کورمضان میں لوڈشیڈنگ کم کرنے کی یقین دہانی کرائی۔
ملاقات میں چیئرمین کراچی الیکٹرک وقار صدیقی، چیف ایگزیکٹو افسر طیب ترین و دیگربھی شریک تھے۔

وزیراعلیٰ سندھ سید مراد علی شاہ کا کہنا تھا کہ گرمی اور شدید لوڈ شیڈنگ کے باعث سندھ کے عوام شدید مشکلات کا شکارہیں۔ جس پر کے الیکٹرک انتظامیہ نے بتایا کہ وہ اپنے نظام میں بہتری لا رہے ہیں۔اس موقعے پر کے الیکٹرک کے چیئرمین وقار صدیقی نے وزیراعلیٰ سندھ کویقین دہانی کرائی کہ رمضان کے مہینے میں لوڈشیڈنگ نہ صرف کم کی جائیگی بلکہ گرمی کے دوران لوڈ مینجمنٹ کی جائے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں