کراچی : سندھ ہائی کورٹ نے ہر جانہ کیس میں معروف گلو کارہ نازیہ حسن کے بھائی گلوکار زوہیب حسن کو جواب جمع کرانے کے لئے 10 نومبر تک کی مہلت دے دی۔
تفصیلات کے مطابق سندھ ہائی کور ٹ میں معروف گلوکارہ نازیہ حسن سابق شوہر اشتیاق بیگ کی زوہیب حسن کیخلاف 1ارب روپے کے ہرجانے سے متعلق درخواست پر سماعت ہوئی۔
زوہیب حسن کیجانب سے ستارپیرزادہ ایڈووکیٹ نےوکالت نامہ جمع کرادیا اور دائر دعوےکاجواب جمع کرانےکےلئے مہلت طلب کرلی۔
عدالت نے دائر دعوے کی سماعت 10 نومبرتک ملتوی کرتے ہوئے زوہیب حسن کو آئندہ سماعت تک اس ایشو پر بات کرنے سے روکنے سےمتعلق حکم امتناع میں توسیع کردی۔
خیال رہے عدالت نے زوہیب حسن کواشتیاق بیگ کیخلاف کسی قسم کابیان دینے سےروک رکھا ہے۔
یاد رہے پاکستانی گلوکارہ کے شوہر اشتیاق بیگ نے نازیہ حسن کی موت سے متعلق زوہیب حسن کے الزامات مسترد کرتے ہوئے کہا زوہیب حسن کے خلاف ایک ارب کے ہرجانے کا دعوی دائر کیا تھا۔
اشتیاق بیگ نے نازیہ حسن کی موت سے متعلق زوہیب حسن کے الزامات کو بے بنیاد اور من گھڑت قرار دیتے ہوئے مسترد کرتے ہوئے کہا نازیہ حسن کی موت کی تحقیقات اسکاٹ لینڈ یارڈ نے بھی کی تھی، اسکاٹ لینڈ یارڈ نے بھی قرار دیا تھا کہ موت کی وجہ کینسر تھی۔
اشتیاق بیگ کا کہنا تھا کہ زوہیب حسن نے جو الزامات عائد کیے وہ بہت سنگین ہیں، الزامات کا مقصد میری شہرت کو نقصان پہنچانا تھا ، وکیل کے ذریعے ایک ارب ہرجانے کا نوٹس جاری کیا تھا لیکن زوہیب حسن نےایک ماہ بعدبھی جواب دینے میں ناکام رہے اور الزامات واپس نہ لیے۔
