The news is by your side.

Advertisement

غیراعلانیہ لوڈ شیڈنگ، عدالت کا کے الیکٹرک کے سی ای او کو نوٹس جاری

کراچی : سندھ ہائی کورٹ نے شہر میں طویل غیر اعلانیہ لوڈشیڈنگ پر توہین عدالت کی درخواست پر کے الیکٹرک کے چیف ایگزیکٹو آفیسر طیب ترین کو نوٹس جاری کردیا۔

تفصیلات کے مطابق سندھ ہائی کورٹ میں کے الیکٹرک کے سی ای او طیب ترین کے خلاف توہین عدالت کی درخواست پر سماعت ہوئی، درخواست میں کہا گیا کہ 8سے12 گھنٹے غیراعلانیہ لوڈ شیڈنگ نے زندگی اجیرن کردی ہے، کےالیکٹرک لوڈشیڈنگ کےاوقات اخبارمیں شائع کرانے کا پابند ہے۔

دائر درخواست میں مزید کہا گیا کہ غیراعلانیہ بجلی منقطع کرنے سےمتعلق متعدد عدالتی فیصلےموجود ہیں، عدالتی فیصلوں کےباوجود ادارےکی کارکردگی بہتر نہیں بنائی جارہی۔

درخواست گزار نے استدعا کی کہ ادارےکےسی ای اوطیب ترین اورذمےداران کےخلاف کارروائی کی جائے۔

عدالت نے کے الیکٹرک کے سی ای او کو نوٹس جاری کر دئے اور سماعت 24 مئی تک ملتوی کردی۔

خیال رہے کہ شہر قائد میں گرمی میں بجلی کی طویل لوڈ شیڈنگ سے عوام کا جینا دوبھر ہوگیا ہے، شہرکے مختلف علاقوں میں بارہ بارہ گھنٹے کی لوڈ شیڈنگ ہورہی ہے جبکہ لوڈشیڈنگ سے مستثنیٰ علاقوں میں بھی چار چار بار بجلی جارہی ہے۔

گیس کی فراہمی کے معاملے پر کے الیکٹریک اور سوئی سدرن گیس کمپنی کے درمیا ن تنازعہ حل ہوچکا ہے اور گیس کی بحالی کے باوجود لوڈشیڈنگ ہورہی ہے

دوسری جانب بجلی کا شارٹ فال ساڑھے چھ ہزارمیگاواٹ سےتجاوز کر گیا ہے، گزشتہ روز ٹرپ ہوئے سات پاورپلانٹس میں سے صرف ایک سے بجلی کی پیداوار شروع ہوسکی، چشمہ تھری پاور پلانٹ سے تین سو میگاواٹ بجلی نیشنل گرڈ کوملنا شروع ہوگئی جبکہ چشمہ ون، چشمہ ٹواورچشمہ فور سےبجلی کی پیداوار تاحال معطل ہے۔

آر ایل این جی سے چلنے والے بلوکی،حویلی بہادرشاہ ،بھکی پاورہاؤسزبھی بحال نہ ہوسکے نیٹ بجلی پیداوار میں کمی کے باعث بڑے شہروں میں چھ اور چھوٹے شہروں میں آٹھ گھنٹے تک لوڈشیڈنگ جاری ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں