کراچی: سندھ ہائی کورٹ نے پسند کی شادی کرنے والی لڑکی کے مبینہ اغوا کیس میں ملزم ظہیر کی مقدمہ ختم کرنے کی درخواست مسترد کردی۔
تفصیلات کے مطابق سندھ ہائی کورٹ میں کمسن لڑکی کے لاہور جاکر پسند کی شادی اور مبینہ اغوا کے کیس کی سماعت ہوئی۔
عدالت نے ملزم ظہیر کی مقدمہ ختم کرنے کی درخواست خارج کردی، عدالت نے کہا کہ مقدمہ کاچالان جمع ہوچکا ہے فریقین ٹرائل کورٹ سے رجوع کرسکتے ہیں۔
عدالت کا کہنا تھا ٹرائل شروع ہونے کے بعد مقدمہ ختم کرنے کی درخواست قابل سماعت نہیں۔
عدالت نے مدعی مقدمہ کی ڈی آئی جی سطح کی انکوائری کی درخواست بھی ناقابل سماعت قرار دے دی۔
یاد رہے کم عمری میں لڑکی کے شادی کے کیس میں ظہیر نے اپنے خلاف مقدمہ ختم کرنے کی درخواست دائر کی تھی۔
جس میں کہا تھا کہ درخواست میں کہا ہے کہ قانونی نکات پوراکرنے کے بعد مقدمہ بنتاہی نہیں، مقدمہ خارج کرکے پولیس کوہراساں کرنے سے روکا جائے۔
