The news is by your side.

Advertisement

عروہ نے ہاں کردی، فرحان سعید

گلوکار فرحان سعید نے سماجی رابطے کی ویب سائٹ انسٹاگرام پر اپنی منگنی کا اعلان کرتے ہوئےمنگیتر کی تصویر شیئر کی ہے۔

سماجی رابطے کی ویب سائٹ پر گلوکار فرحان سعید نے ایک تصویر شیئر کی جس میں انہوں نے اپنی منگنی ہونے کا اعلان کیا، تصویر میں نظر آنے والی خاتون کوئی اور نہیں بلکہ معروف پاکستانی اداکارہ ہیں۔

انسٹاگرام پر شیئر کی گئی تصویر میں دیکھا جاسکتا ہے کہ فرحان سعید ’’عروہ حسین‘‘ کا ہاتھ تھامے ہوئے ہیں، جبکہ اداکارہ نے ہاتھ میں انگوٹھی بھی پہن رکھی ہے۔

فرحان سعید نے اس تصویر کے ساتھ اسٹیٹس شیئر کیا ہے کہ ’’اُس نے ہاں کردی‘‘۔ گلوکار کے قریبی دوستوں کے مطابق عروہ اور فرحان رواں سال دسمبر میں پاکستان آکر شادی کرنے کا ارادہ رکھتے ہیں۔

She said YESS!

A photo posted by Farhan Saeed (@farhan_saeed) on

یاد رہے فرحان سعید اور عروہ کے حوالے سے مختلف باتیں سامنے آتی رہی ہیں۔ دونوں اداکار مختلف تقریبوں میں ایک ساتھ نظر آتے ہیں تاہم گزشتہ دنوں نجی ایوارڈ تقریب میں دلچسپ واقعے دیکھنے میں آیا کہ جب عروہ سے پسندیدہ اداکار کے بارے میں سوال کیا گیا۔

عروہ نے جواب دیتے ہوئے کہا تھا کہ ’’انہیں علی ظفر پسند ہیں جس پر فرحان سعید بے ساختہ بولے کہ وہ سمجھے اُن کا نام لیا جائے گا، فرحان سعید کا جواب سُن کر عروہ پریشان ہوئیں تاہم اگلے ہی لمحے فرحان نے تسلی دیتے ہوئے کہا تھا کہ ’’کوئی بات نہیں لڑکی بوائے فرینڈ کا نام لیتے ہوئے اچھی نہیں لگتی‘‘۔

خیال رہے دونوں افراد اے آر وائی کے ڈرامے میرے اجنبی میں بھی کام کیا ہے۔

Print Friendly, PDF & Email

Comments

comments

یہ بھی پڑھیں