شیریں جناح آئل ٹرمینل کے متاثرہ دکانداروں کا احتجاجی مظاہرہ -
The news is by your side.

Advertisement

شیریں جناح آئل ٹرمینل کے متاثرہ دکانداروں کا احتجاجی مظاہرہ

کراچی : شیریں جناح آئل ٹرمینل پر پولیس کے ناروا سلوک کے خلاف دکاندار سڑک پر نکل آئے اور انتظامیہ کے خلاف نعرے بازی کی، مظاہرین نے ہاتھوں میں احتجاجی بینر اٹھا رکھے تھے جن پر مطالبات درج تھے۔

میڈیا سے گفتگو کرتے ہوئے شیریں جناح شاپ کیپر ویلفیئر سوسائٹی کے صدر منور حسین کا کہنا تھا کہ چیف جسٹس کی جانب سے ٹرمینل منتقلی کا حکم نامہ آنے کے بعد سے پولیس نے ٹرمینل کے ساتھ واقع دکانداروں کو بھی پریشان کرنا شروع کردیا ہے۔

کبھی سامان اٹھا کر لے جاتے ہیں کبھی دکان کھولنے ہی نہیں دیتے۔ آئل ٹرمینل منتقلی پر تحفظات کے حوالے سے کمشنر کراچی نے دو روز قبل اجلاس بلایا اس میں بھی دکانداروں کو یکسر نظر انداز کردیا گیا ہمارے ساتھ یہ غیروں والا سلوک کیوں کیا جا رہا ہے؟

ان کا مزید کہنا تھا کہ چیف جسٹس، وزیرِ بلدیات اور کمشنر کراچی آئل ٹرمینل منتقلی کے معاملات کو شفاف بنانے پر توجہ دیں اور پولیس اہلکاروں کی زیادتیوں کا نوٹس لیں۔

اس موقع پر آل پاکستان آئل ٹینکرز اونرز ایسوسی ایشن کے سیکریٹری اطلاعات عبداللہ ہمدرد کا کہنا تھا کہ آئل ٹرمینل منتقلی کے معاملات کو شفاف بنایا جائے اور پولیس دکانداروں کو شفافیت کے ساتھ زمینیں الاٹ ہونے تک پریشان نہ کرے۔

Comments

comments

یہ بھی پڑھیں