The news is by your side.

Advertisement

’’فضل الرحمان اقتدار سے دوری میں منافقت کی ہر حد پھلانگ چکے ہیں‘‘

لاہور: معاون خصوصی برائے سیاسی روابط شہباز گل کا کہنا ہے کہ مولانا فضل الرحمان اقتدار سے دوری میں منافقت کی ہر حد پھلانگ چکے ہیں۔

اے آر وائی نیوز کی رپورٹ کے مطابق معاون خصوصی برائے سیاسی روابط شہباز گل نے مولانا فضل الرحمان کے بیان پر ردعمل دیتے ہوئے کہا کہ پی ڈی ایم کے بنیادی اغراض و مقاصد قوم سے لوٹا مال بچانا ہے، پی ڈی ایم مفاد پرست ٹولے پر مشتمل ہے۔

انہوں نے کہا کہ ان لوگوں نے پہلے مل کر عوام کو لوٹا اب جان لیوا وبا میں جھونکنا چاہتے ہیں، کورونا کے مثبت معاشی اشارے پی ڈی ایم کے ارسطوں کے منہ پر تھپڑ ہیں۔

شہباز گل نے کہا کہ عوام جانتی ہے پی ڈی ایم عوامی مفاد کے منافی ہے، ان کا مسئلہ عوام نہیں اپنی ذات ہے اس لیے دھرنے کرنے پر بضد ہیں، ان کے نزدیک کرپشن کا مال بچانا ترجیح ہے۔

مزید پڑھیں: کرونا وائرس: اپوزیشن کے جلسوں پر شہباز گل کی کڑی تنقید

معاون خصوصی نے کہا کہ وزیراعظم عمران خان قوم کے خیر خواہ ہیں اس لیے جلسے موخر کیے۔

واضح رہے کہ اس سے قبل جے یو آئی (ف) کے سربراہ فضل الرحمان نے حکومت پر شدید تنقید کرتے ہوئے کہا کہ تھا کہ پی ڈی ایم قوم کی رہنمائی کرے گی، قوم ایک ہوجائے تو یہ چند دن کے لوگ نہیں۔

ان کا کہنا تھا کہ بی آر ٹی دھکوں سے چل رہی ہے، ملک نیچے جارہا ہے اس حکومت کو سپورٹ کرنے سے زیادہ ذمے داریوں سے انحراف اور کیا ہوسکتا ہے۔

Comments

یہ بھی پڑھیں