The news is by your side.

Advertisement

گھر میں میت پڑی ہے، مریم صفدر کو سیاست کی پڑی ہے، شہباز گل

لاہور: معاون خصوصی برائے سیاسی روابط شہباز گل کا کہنا ہے کہ گھر میں میت پڑی ہے مریم صفدر کو سیاست کی پڑی ہے، شریف خاندان کا رونا صرف احتساب سے بچنے کے لیے ہے۔

اے آر وائی نیوز کی رپورٹ کے مطابق معاون خصوصی شہباز گل نے مریم صفدر کے بیان پر ردعمل دیتے ہوئے کہا کہ گھر میں میت پڑی ہے، مریم صفدر کو جلسوں اور سیاست کی پڑی ہے، اللہ اقتدار کی ایسی ہوس اور لالچ سے بچائے۔

انہوں نے کہا کہ مریم صفدر کو عوام کی کوئی فکر نہیں، موصوفہ اپنے مقصد کے لیے عوام کو استعمال کررہی ہیں، جھوٹے کرپٹ اور اخلاقیات سے عاری ٹولہ عوام کی جان کے درپے ہے، کرپٹ ٹولے میں اتنی سکت نہیں کہ حکومت کو دھمکا سکے۔

شہباز گل نے کہا کہ شہباز شریف اپنے کئے کرتوتوں کی وجہ سے اندر ہیں، چھوٹے بھائی نے وفاداری نبھائی ضرور، لیکن کرپشن میں، بھائی کے نقش قدم پر چل کر چھوٹے میاں بھائی سے بھی دو ہاتھ آگے نکلے۔

مزید پڑھیں: میری زندگی کسی مقصد کیلیے ہے، پیچھے نہیں ہٹ سکتی، مریم نواز

معاون خصوصی نے کہا کہ پتا ہے کرپشن کی بہتی گنگا میں شریف فیملی نے مشترکہ ہاتھ دھوئے، خود علاج کے بہانے بھاگنے والے عوام کو بیمار کرنے پر تیار ہیں۔

واضح رہے کہ اس سے قبل مریم نوازکا کہنا تھا کہ میری زندگی اب کسی مقصد کے لیے ہے جس سے پیچھے نہیں ہٹ سکتی۔

ان کا کہنا تھا کہ نوازشریف سے کہا کہ آپ نے پاکستان آنےکا سوچنا بھی نہیں، نوازشریف سے وفاداری کی وجہ سےشہباز شریف قیدکاٹ رہے ہیں حمزہ شہباز کو بھی نواز شریف سے وفاداری کی سزا دی جارہی ہے نوازشریف کی ہدایت پر ملتان جلسے میں شرکت کروں گی۔

Comments

یہ بھی پڑھیں