The news is by your side.

Advertisement

’’مریم نواز صرف اس وقت سچ بولتی ہیں جب یہ نہیں بولتیں‘‘

لاہور: معاون خصوصی شہباز گل کا کہنا ہے کہ مریم نواز صرف اس وقت سچ بولتی ہیں جب یہ نہیں بولتی ہیں۔

اے آر وائی نیوز کی رپورٹ کے مطابق معاون خصوصی شہباز گل نے مریم نواز کے بیان پر ردعمل دیتے ہوئے کہا کہ مریم نواز نے اپنی کرپشن بچانے کے لیے والد، دادا، بہن بھائیوں کو پہچاننے سے انکار کیا تھا۔

شہباز گل نے سماجی رابطے کی ویب سائٹ ٹویٹر پر محاورہ شیئر کرتے ہوئے لکھا کہ ’ہے پاؤں باندھ کر جھوٹ بولنا روز جھوٹ بولنا، روز پکڑے جانا، پکڑے جانے پر شرمندہ بھی نہ ہونا۔‘

واضح رہے کہ گزشتہ روز مریم نواز سے صحافی نے سوال کیا تھا کہ ’شہباز گل نے یہ کہا ہے کہ ’مریم نواز کی ضمانت اس لیے ہوئی تھی کہ والد صاحب کی دیکھ بھال کرسکیں۔‘

مریم نواز نے جواب میں شہباز گل کو پہچاننے سے ہی انکار کردیا تھا، مریم نواز کا کہنا تھا کہ ’یہ کون صاحب ہیں میں انہیں نہیں جانتی۔‘

یاد رہے کہ دو روز قبل شہباز گل کا کہنا تھا کہ گڑگڑاکر این آراو مانگا جارہا تھا جو نہیں ملا، کہا گیا ان کی بیٹی کا نوازشریف کی تیمارداری کےلیےجانا ضروری ہے، اشرافیہ اورعوام کے لئے قانون کی روش بدلنی پڑے گی۔

معاون خصوصی کا کہنا تھا خواتین کی عزت کی بات ہے توجیلوں میں خواتین کیوں ہیں؟ مریم نواز کو ملک کے خلاف بیانیہ بنانے کے لیے چھوڑا ہے تو دیگرخواتین کو بھی چھوڑیں، دہشت گردی میں ملوث خواتین بند رکھیں دیگرکو چھوڑیں، یہ وہ دہرے معیار ہیں جن پرچل کر یہ بادشاہ بنتے ہیں۔

Comments

یہ بھی پڑھیں