The news is by your side.

Advertisement

’’ان آفیسر کی جگہ میں بھی ہوتا تو شاید مجھ سے بھی غلطی ہوتی‘‘

لاہور: معاون خصوصی برائے سیاسی روابط شہباز گل کا کہنا ہے کہ مسلح افواج نے خود احتسابی کے عمل کو بڑھ کر نبھایا، ان آفیسر کی جگہ میں بھی ہوتا تو شاید مجھ سے بھی غلطی ہوتی۔

اے آر وائی نیوز کی رپورٹ کے مطابق معاون خصوصی شہباز گل نے میڈیا سے گفتگو کرتے ہوئے کہا کہ مسلح افواج نے خود احتسابی کے عمل کو بڑھ کر نبھایا، جنرل باجوہ کو ففتھ جنریشن وار کا بھی ادراک ہے، جنرل باجوہ کو ادراک ہے کہ پاکستان کو کن چیلنجز کا سامنا ہے۔

شہباز گل کا کہنا تھا کہ افسران کی ٹریننگ ہوتی ہے قومی اثاثوں کے لیے جان بھی قربان کردیں، جنرل باجوہ اور ان کی ٹیم کو سلام پیش کرتا ہوں، اپنی روایت برقرار رکھنے پر مسلح افواج کے اقدام کو سراہتا ہوں۔

آئی جی سندھ واقعہ : فوج کی کورٹ آف انکوائری مکمل، متعلقہ آفیسرز ذمہ داریوں سے برطرف

انہوں نے کہا کہ میری ذاتی رائے عملاً ان آفیسرز کی اتنی بڑی غلطی نہیں تھی، مزار قائد کی حرمت جیسے معاملے پر ردعمل فطری ہوتا ہے۔

واضح رہے کہ آئی ایس پی آر کا کہنا تھا کہ آئی جی سندھ کے واقعے کی انکوائری آرمی چیف کے حکم پر کی گئی، کورٹ آف انکوائری کی سفارش پر متعلقہ آفیسرز کو ذمہ داریوں سے ہٹا دیا گیا ہے۔

پاک فوج کے ترجمان کا کہنا تھا کہ تجربہ کار آفیسرز کے طور پر انہیں ناپسندیدہ صورتحال سے گریزکرنا چاہیے تھا ، ذمہ دار آفیسر کی وجہ سے ریاست کے 2اداروں میں غلط فہمیاں پیدا ہوئیں، ضابطہ کی خلاف ورزی پر آفیسرز کیخلاف کارروائی جی ایچ کیومیں کی جائے گی۔

Comments

یہ بھی پڑھیں