مسلم لیگ ن کی مرکزی قیادت کا ماڈل ٹاؤن سیکریٹریٹ میں اجلاس -
The news is by your side.

Advertisement

مسلم لیگ ن کی مرکزی قیادت کا ماڈل ٹاؤن سیکریٹریٹ میں اجلاس

لاہور : مسلم لیگ ن کے صدر شہبازشریف کی زیرصدارت ن لیگ کی مرکزی قیادت کا اجلاس جاری ہے۔

تفصیلات کے مطابق لاہور میں مسلم لیگ ن کی مرکزی قیادت کا ماڈل ٹاون سیکریٹریٹ میں اجلاس جاری ہے جس کی صدارت شہبازشریف کررہے ہیں۔

اجلاس میں احسن اقبال ، رانا ثنااللہ، ایازصادق، رانا تنویر، حمزہ شہباز، عبدالقادر بلوچ، شاہ محمد شاہ، پرویز رشید سمیت دیگر رہنما بھی شریک ہیں۔

شہبازشریف کی زیرصدارت اجلاس میں صدارتی انتخاب اورنیب مقدمات پرغورہوگا اور اس کے علاوہ نوازشریف اورمریم نوازکا نام ای سی ایل میں ڈالنے پربھی تبادلہ خیال ہوگا۔

خیال رہے کہ گزشتہ روز سماجی رابطے کی ویب سائٹ ٹویٹرپرمسلم لیگ ن کے رہنما خواجہ سعد رفیق کا کہنا تھا کہ وفاقی کابینہ کے پہلے اجلاس میں نوازشریف خاندان کا نام ای سی ایل میں ڈالنا سیاسی انتقام ہے۔

خواجہ سعد رفیق کا کہنا تھا کہ میاں نوازشریف کا نام ای سی ایل میں ڈالنا عمران حکومت کے لیے درد سر بن جائے گا۔

اڈیالہ جیل میں قید نوازشریف اورمریم نوازکانام ای سی ایل میں ڈال دیا گیا

واضح رہے کہ قومی احتساب بیورو کی درخواست پرسابق وزیراعظم نوازشریف اور ان کی صاحبزادی مریم نواز کا نام ای سی ایل میں ڈال دیا گیا۔

Comments

comments

یہ بھی پڑھیں