لاہور: وزیراعلیٰ پنجاب میاں محمد شہباز شریف لاہور میں منعقد ہونے والے پی ایس ایل فائنل کے حوالے سے انتہائی پرجوش ہیں اور سوشل میڈیا پر اسکا اظہار بھی کررہے ہیں۔
وزیراعلیٰ پنجاب میاں محمد شہباز شریف اور حکومتِ پنجاب نے سماجی رابطے کی ویب سائٹ فیس بک پر ایک ویڈیو شیئر کی ہے جس میں قذافی اسٹیڈیم کو فلمایا گیا ہے اورایک جھلک دیکھنے سے اندازہ ہورہا ہے کہ اسٹیڈیم پر بے پناہ محنت کی گئی ہے۔
میاں شہباز شریف نے سماجی رابطے کی ویب سائٹ ٹویٹرپر اسٹیڈیم کی تصاویر بھی شیئر کی ہیں جن میں اسٹیڈیم کی تزئین و آرائش کو واضح طور پر محسوس کیا جاسکتا ہے۔
Qaddafi Stadium this morning … Top-of-the-line preparations underway… Looking forward to welcome you in Lahore …. pic.twitter.com/i1txeRuT2b
— Shehbaz Sharif (@CMShehbaz) March 3, 2017
پنجاب حکومت پی ایس ایل فائنل کی سیکیورٹی کے حوالے سے سخت ترین اقدامات کررہی ہے اور اس کام میں انہیں پاک فوج کی بھرپور معاونت حاصل ہے۔
گزشتہ روز میاں شہباز شریف نے ایک اعلیٰ سطحی اجلاس منعقد کیا جس میں پی ایس ایل فائنل سے متعلق تمام اسٹیک ہولڈرز نے شرکت کی۔
. @CMShehbaz chaired all stakeholders’ meeting to review arrangements for #PSLFinal.
Full: https://t.co/00yiGGLmSI
[01 – March – 2017] pic.twitter.com/DD84sz6n0l
— Govt Of The Punjab (@GovtOfPunjab) March 2, 2017
اجلاس کی صدارت کرتے ہوئے پولیس افسران سے مخاطب ہوکر وزیراعلیٰ پنجاب نے کہا کہ خیال رکھیے گا آپ کوئی دھرنا اٹھانے نہیں آرہے بلکہ شائقینِ کرکٹ یہاں آئیں گے لہذا یہاں قابل اور فرض شناس افراد کو تعینات کیا جائے۔
پی ایس ایل فائنل اتوار کو رات ۹ بجے قذافی اسٹیڈیم میں کھیلا جائے گا جس کے لیے کوئٹہ گلیڈی ایٹرز فائنل میں اپنی جگہ بناچکے ہیں جبکہ کراچی کنگز اور پشاور زلمی کے خلاف فیصلہ کن میچ آج ہوگا۔
لاہور ٹریفک پولیس نے اس موقع پر ٹریفک کی روانی کو یقینی بنانے کے لیئے خصوصی پلان بھی جاری کردیا ہے۔
پی ایس ایل فائنل‘ پولیس نے ٹریفک پلان جاری کردیا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
