لاہور: وزیرِاعلیٰ پنجاب شہباز شریف کا کہنا ہے کہ 28مئی سیاسی اور دفاعی تاریخ کا اہم ترین دن ہے،اس دن وزیراعظم پاکستان میاں محمد نواز شریف نے ملک کو ایٹمی صلاحیت رکھنے والا پہلا اسلامی ملک بنایا۔
وزیرِاعلیٰ پنجاب "یومِ تکبیر” کے موقع پرکیک کاٹنے کی تقریب سے خطاب کر رہے تھے،انہوں نے بتایا کہ وزیراعظم نواز شریف کو عالمی قوتوں کی جانب سے سخت دباؤ کا سامنا تھا لیکن بھارت کو منہ توڑ جواب دینے کے لیے وزیر اعظم نے جرات مندانہ فیصلہ کیا،اور 28مئی 1998کو ایٹمی دھماکہ کا کامیاب تجربہ کر کے پاکستان کے دفاع کو ناقابلِ تسخیر بنایا۔
مذید پڑھیے: یومِ تکبیر آج منایا جارہا ہے
وزیرِاعلیٰ پنجاب شہباز شریف نے اپنے خطاب کے دوران کہا کہ 28مئی سیاسی اور دفاعی تاریخ کا اہم ترین دن ہے،پاکستان کا دفاع ناقابل تسخیر ہو چکا ہے۔ آج کوئی پاکستان کی طرف میلی آنکھ سے نہیں دیکھ سکتا۔
وزیرِاعظم پاکستان میاں محمد نواز شریف نے یومِ تکبیر کے موقع پر خصوصی بیان پڑھنے کے لیے لنک پر کلک کریں۔
ضرب عضب عزم کا تسلسل ہے،وزیر اعظم
وزیراعلیٰ نے "ضرب عضب” کی کامیابیوں کو سراہتے ہوئے کہا کہ دہشت گردی کے خلاف جنگ میں پاک فوج نے دہشت گردوں کی کمر توڑ دی ہے۔
