The news is by your side.

Advertisement

آئندہ الیکشن کے بعد پی ٹی آئی کی سیاست دفن کردیں گے، شہباز شریف

کمالیہ: وزیر اعلیٰ پنجاب شہباز شریف نے کہا ہے کہ عمران خان جھوٹ اور بغاوت کی سیاست کرتے ہیں، آئندہ الیکشن کے بعد پی ٹی آئی کی سیاست دفن کردیں گے۔

ان خیالات کا اظہار انہوں نے کمالیہ میں جلسے خطاب کرتے ہوئے کیا، شہباز شریف نے کہا کہ عمران خان نے 2014 دھرنے میں ہمارے نہیں عوام کے خلاف سازش کی، دھرنے کی وجہ سے چینی صدر کا دورہ پاکستان منسوخ ہوگیا تھا، دھرنے کی وجہ سے بجلی کے منصوبے تاخیر کا شکار ہوئے۔

وزیر اعلیٰ پنجاب نے کہا کہ ایک دوسرے کی ٹانگیں کھینچنے کے بجائے غربت کا خاتمہ کرنا ہوگا، نوجوان بلاول کہتا ہے عمران خان نے سینیٹ میں ہمیں ووت دیا، اگلے الیکشن میں ایسی سیاست کا خاتمہ کردیں گے، ہم پر وہ تنقید کررہے ہیں جنہوں نے اپنے اپنے صوبے کے عوام سے ہاتھ ملانا پسند نہیں کیا۔

شہباز شریف نے کہا کہ نواز شریف کی قیادت میں ملک کی خدمت کی ہے، ن لیگ کی اگلی حکومت آئی تو فیصل آباد میں میٹرو بس بنائیں گے، کھاد کی قیمتیں کم کیں، نئے ٹیوب ویل لگائے، پنجاب میں بغیر سود کے کسانوں کو اربوں روپے کے قرضے دئیے، 70 سال میں ایسے ترقیاتی منصوبے کسی حکومت نے نہیں لگائے۔

انہوں نے کہا کہ پنجاب میں پکی سڑکوں کا جال بچھا دیا ہے، 5 سالوں میں پنجاب کی بھرپور خدمت کی ہے، پاکستان کی تاریخ میں اتنے شاندار کام کبھی نہیں ہوئے، ملک میں اربوں روپے کی سرمایہ کاری ہوئی، بجلی کے منصوبے لگ رہے ہیں۔

کشمیری میں جاری بھارتی جارحیت پر شہباز شریف نے کہا کہ کشمیر میں ہماری بیٹیاں اور بیٹے خون کے نذرانے پیش کررہے ہیں، کشمیر بنے گا پاکستان۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں